Zəngilanda kitab təqdimatı keçirildi

Zəngilanda  kitab təqdimatı keçirildi
5 dekabr 2023
# 10:40

"Böyük Qayıdış" ın rəmzinə çevrilmiş Zəngilan rayonunun Ağalı kəndində daha bir ilkə imza atılıb. Dekabrın 1-də Ağalı kənd tam orta məktəbində gənc şair, AYB -nin üzvü, prezident mükafatçısı Elvin Əlizadənin "-29" adlı şeirlər kitabının imza günü keçirilib.

Kulis.az xəbər verir ki, tədbiri giriş sözü ilə açan Zəngilan ziyalılarından Ceyhun Həsənov gələn qonaqları salamlayıb müəlliflə bağlı maraqlı məqamları bölüşdü, tədbiri aparmaq üçün sözü şair, Azərbaycan Yazıçılar Birliyinin mətbuat katibi Xəyal Rzaya verdi.

Azərbaycanın ərazi bütövlüyü uğrunda canlarından keçmiş şəhidlərimizin xatirəsi bir dəqiqəlik sükutla yad edildikdən sonra tədbirə aparıcılıq edən Xəyal Rza Şərqi Zəngəzurun Azərbaycan ədəbi mühitinə bəxş etdiyi şəxslərdən, ölkənin ictimai həyatındakı əhəmiyyətindən söz açaraq Elvin Əlizadənin də mədəniyyət sahəsində göstərdiyi fəaliyyətindən bəhs etdi.

Daha sonra çıxış edən tanınmış yazıçı Əyyub Qiyas müəllifin Sumqayıt ədəbi mühitindəki rolundan, yaradıcılığındakı vətən mövzusu ilə bağlı məqamlardan danışaraq şairin "Zəngilan" şeirini səsləndirdi. Eyni zamanda müəllifi olduğu bəzi kitabları Ağalı kənd tam orta məktəbinin kitabxanasına hədiyyə etdi.

Qonaqlardan MİHİ Sumqayıt şəhər komitəsinin sədri Şahin Şəfiyev, tanınmış şair Vüqar Rahi və Babək Məmmədli müəllif haqqında fikirlərini oxucularla bölüşüb, Zəngilana ilk dəfə səfər etməyin sevincini dilə gətirdilər. Tanınmış xanəndə, "Xalq Ulduzu" yarışmasının qalibi Tural Salmanov müəllifin şeirlərinə bəstələdiyi mahnılardan ifa etməsi qonaqlar tərəfindən maraqla qarşılandı.

Daha sonra çıxış edən müəllifin atası, Ağalı kənd sakini Nurəddin Əliyev tədbirdə iştirak edən kənd sakinlərinə, Elvin Əlizadənin qələm dostlarına öz minnətdarlığını bildirdi və oğlu ilə fəxr etdiyini vurğuladı.

Aparıcı son olaraq sözü Elvin Əlizadəyə verdi. Müəllif öz şeirlərindən səsləndirdi, 2021-ci ildə Ağalı kəndinin təməlqoyma mərasimi zamanı etdiyi ilk səfər xatirələrini bölüşdü, tədbirin təşkil olunmasında əziyyəti keçən hər kəsə təşəkkürünü bildirdi.

Tədbirin sonunda müəllif kitabını oxucular üçün imzaladı və xatirə şəkli çəkildi.

# 1329 dəfə oxunub

Oxşar xəbərlər

"APA Jurnalist Məktəbi"nin məzunlarına sertifikatlar təqdim edildi

"APA Jurnalist Məktəbi"nin məzunlarına sertifikatlar təqdim edildi

22:30 18 iyul 2025
"Nə oldu, Paşinyan?"ı oxuyan müğənni həbs olundu - Səbəb

"Nə oldu, Paşinyan?"ı oxuyan müğənni həbs olundu - Səbəb

18:52 18 iyul 2025
"Xanımlar gərək bilələr ki, Allah kişini üstün yaradıb" - Xəzər TV-yə buna görə xəbərdarlıq edildi

"Xanımlar gərək bilələr ki, Allah kişini üstün yaradıb" - Xəzər TV-yə buna görə xəbərdarlıq edildi

18:20 18 iyul 2025
Sarayevo Film Festivalının münsiflər heyətinin sədri açıqlandı

Sarayevo Film Festivalının münsiflər heyətinin sədri açıqlandı

17:26 18 iyul 2025
"Bir qızın şəklini gizlincə çəkib feysbukda paylaşmaq..." - Metroda baş verən hadisə

"Bir qızın şəklini gizlincə çəkib feysbukda paylaşmaq..." - Metroda baş verən hadisə

14:45 18 iyul 2025
Rayan Qoslinq və Uil Ferrel  tərəf müqabili olacaqlar

Rayan Qoslinq və Uil Ferrel tərəf müqabili olacaqlar

14:43 18 iyul 2025
#
#
# # #