Ukrayna Prezidenti Volodimir Zelenskinin "Avroviziya-2023" beynəlxalq mahnı müsabiqəsinin finalında videobağlantı ilə qoşularaq müraciət etmək istəyi rədd edilib.
Kulis.az xəbər verir ki, bu barədə Avropa Yayım İttifaqının (AYİ) yaydığı bəyanatında qeyd olunub.
Bəyanatda bildirilib ki, sözügedən müsabiqə beynəlxalq əyləncə şousudur və yarandığı gündən müəyyən edilmiş ciddi qayda və prinsipləri var. Əsas prinsiplərdən biri də tədbirin qeyri-siyasi xarakter daşımasıdır. Bu prinsip müsabiqə çərçivəsində siyasi və ya oxşar bəyanatlar yaymağı qadağan edir:
"Cənab Zelenskinin çıxış etməklə bağlı müraciəti xoşniyyətli olsa da, təəssüf ki, AYİ-nin idarəçiliyi tərəfindən buna icazə verilə bilməz, çünki bu tədbirin qaydalarına ziddir".
Qeyd edək ki, müsabiqənin finalı mayın 13-də keçiriləcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər