Yerin də hakimi tək olmalıdır! – Əmir Teymurdan aforizmlər

Yerin də hakimi tək olmalıdır! – Əmir Teymurdan aforizmlər
14 mart 2023
# 21:00

Kulis.az böyük fateh Əmir Teymurun ibrətmaiz deyimlərindən bir neçəsini təqdim edir.

***

Təcrübə göstərdi ki, həqiqi dost budur: əsla tərəddüd eləməz, dostunun düşmənləri onun da düşmənləridir və lazım olarsa həyatını fəda edər.

***

Oğul, nəvə, dost, müttəfiq, mənimlə bağlılığı olan hər kəs mənə yaxın olmaqdan nəsibini aldı. Səadətimin parlaqlığı və yüksəkliyi heç kimi unutmağa səbəb olmadı. Tərəfimdən hər vaxt, hər kəs layiq olduğu mükafat və hörmətə qovuşdu. Ulduzumun sönüklüyü zamanlarında əldə etdiyim təcrübələr, dostlara qarşı necə, düşmənlərə qarşı necə davranmaq lazım olduğunu mənə öyrətmişdi

***

Əmr edə bilmədiyim on min adamım olacağına, əmrim altında olan 10 adamım olmasını seçərəm. Ölkələr qılıncla alınar, ancaq ədalətlə qorunar.

***

Qüvvətli bir hökmdarın ədalətli bir vəziri, hökmdarın bütün ədalətsizliklərini təmir edə bilər. Lakin şəxsən vəzir də zalım olsa dövlət binası yerlə bir olar.

***

Göydə tək olan Allah kimi, yerin də hakimi tək olmalıdır!

***

Haqq uğrunda sərf olunan pul heç bir vaxt israf sayılmaz.

***

Təcrübələrim mənə göstərdi ki, hüquqa bağlı olmayan bir hökumət uzun müddət ayaqda qala bilməz. Belə hökumətlər çılpaq olub, özünü görən hər kəsə qarşı gözlərini yerə dikən və kimsənin yanında hörmət və etibarı olmayan birinə bənzərlər. Hətta belə bir hökumət, tavanı, qapısı, həyət divarları olmayan və hər önünə gələnin içəriyə girdiyi bir evə də bənzədilə bilər.

***

Hansı hökmdarın hökmünün təsiri dəyənəyinin təsirindən daha zəifdirsə, o hökmdar hökmdarlığa layiq deyil.

***

Yer üzünün məskunlaşmış əraziləri iki padşah arasında bölünməyə layiq deyil.

# 3733 dəfə oxunub

Oxşar xəbərlər

Eşqin tərifini verən yazıçı - Əlibala Hacızadə haqqında

Eşqin tərifini verən yazıçı - Əlibala Hacızadə haqqında

18:39 15 sentyabr 2025
Bələdiyyə seçkiləri, töhmətlər... - Brilliant Dadaşovaya niyə qadağa qoyulmuşdu?

Bələdiyyə seçkiləri, töhmətlər... - Brilliant Dadaşovaya niyə qadağa qoyulmuşdu?

17:52 15 sentyabr 2025
Nazim Hikmətlə dostluğuna dair  kitab yazan  yazıçı -  Orxan Kamal Bolqarıstana niyə getmişdi?

Nazim Hikmətlə dostluğuna dair kitab yazan yazıçı - Orxan Kamal Bolqarıstana niyə getmişdi?

16:00 15 sentyabr 2025
Dövlət Turizm Agentliyi Gəncə və Göygölə infotur təşkil edib

Dövlət Turizm Agentliyi Gəncə və Göygölə infotur təşkil edib

15:19 15 sentyabr 2025
Avroviziyadan İsraillə bağlı 2 şərt

Avroviziyadan İsraillə bağlı 2 şərt

14:53 15 sentyabr 2025
"Mən görmədiklərimi yaza bilmərəm..." -  Həmidə xanımın  imtina cavabının səbəbi nə idi?

"Mən görmədiklərimi yaza bilmərəm..." - Həmidə xanımın imtina cavabının səbəbi nə idi?

14:30 15 sentyabr 2025
Ana səhifə Yazarlar Bütün xəbərlər