Mədəniyyət Nazirliyi “Vaqifə məktub” esse müsabiqəsini elan edir.
Kulis.az xəbər verir ki, “Vaqif Poeziya Günləri” çərçivəsində keçirilən müsabiqənin təşkilində əsas məqsəd yaradıcı potensialı olan hər bir kəsi müsabiqəyə cəlb etməklə mövzu baxımından yeni əsərlərin yazılmasına stimul verməkdir.
Hər müəllif müsabiqəyə yalnız bir əsər təqdim edə bilər. Əsərlər orijinal və daha əvvəl heç yerdə çap olunmamalı və yayımlanmamalıdır. Əsərlər Azərbaycan dillində yazılmalıdır. Həmçinin əsərin üz qabığında (ilk səhifədə) müəllif özü haqqında məlumatı, əlaqə vasitəsini (telefon nömrəsi və e-mail) qeyd etməlidir. Əsərlər bir şəxs tərəfindən yazılmalıdır. Müştərək iş qəbul olunmur. Müsabiqə şərtlərinə cavab verməyən əsərlər komissiya tərəfindən qəbul edilməyəcək.
Müsabiqənin mövzusu Şuşanın ədəbi irsi və Zəfər tariximizdə Şuşanın əhəmiyyətidir. Essenin həcmi 1000 sözdən çox olmamalıdır.
Komissiya tərəfindən müəyyən edilmiş qiymətləndirmə meyarlarına uyğun olaraq 3 nəfər qalib seçiləcək. “Vaqif Poeziya Günləri” çərçivəsində baş tutacaq mükafatlandırma mərasimi zamanı qaliblər diplom və pul mükafatı ilə təltif olunacaqlar. Birinci yer 2500 manat, ikinci yer 1500 manat, üçüncü yer isə 1000 manatdır.
Müsabiqəyə esselərin qəbulu 2025-ci il mayın 31-də sona çatacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər