Azərbaycan Yazıçılar Birliyinin rəhbərliyi qardaş Türkiyənin Azərbaycandakı səfirliyini ziyarət edib.
Kulis.az xəbər verir ki, səfirliyin önündə zəlzələdə həlak olmuş insanların əziz xatirəsinə gül dəstələri qoyulub. Sonra yazıçılar Türkiyənin fövqəladə və səlahiyyətli səfiri cənab Cahit Bağcı ilə görüşərək, Türkiyədə baş vermiş təbii fəlakətlə bağlı başsağlığı veriliblər. Səfir Yazıçılar Birliyinin rəhbərliyinə təşəkkür edərək, bu çətin və ağır günlərdə, Azərbaycan xalqının böyük dəstək nümayiş etdirdiyini bildirib.
Daha sonra Azərbaycan Yazıçılar Birliyinin sədri, Xalq yazıçısı Anar matəm kitabına ürək sözlərini yazıb:
“Qardaş Türkiyənin, canımız Türkiyənin başına gəlmiş bu müsibətdən sarsıldıq. Bu Türkiyəmizlə bərabər, Azərbaycanın da bağrına amansız təbiət tərəfindən saplanmış bıçaqdır. Türkiyənin dərdi bizim dərdimiz, Türkiyənin yaraları bizim yaralarımızdır. Zəfərdə bir yerdə olduğumuz kimi, kədərdə də bir yerdəyik.
Azərbaycan Yazıçılar Birliyi adından, bütün yazıçılarımız adından Türk xalqına, sayın Cümhur başqanı Rəcəb Tayyib Ərdoğana dərin hüznlə başsağlığı veririk. Əlimizdən gələn maddi və mənəvi yardıma hazırıq. Yaralılara şəfa diləyirik.
Hamımızın başı sağ olsun!".
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər