Bakı Şəhər Mədəniyyət Baş İdarəsi Xəzər rayon Mərkəzləşdirilmiş Kitabxana Sisteminin Mərkəzi Kitabxanasında Xurşidbanu Natəvanın 190 illiyi münasibətilə “Şeir məclisinin günəşi” adlı tədbir təşkil olunub.
Kulis.az xəbər verir ki, tədbirdə X.Natəvanın həyat və yaradıcılığından, eləcə də ədəbi məclisləri haqqında danışılaraq şairəyə həsr olunan bir sıra belə tədbirlərin keçirildiyi vurğulanıb. Xalq yazıçısı Əzizə Cəfərzadənin oğlu Turan İbrahimov kitabxanaya kitab təqdim edib.
AMEA-nın Nizami Gəncəvi adına Milli Azərbaycan Ədəbiyyatı Muzeyinin ictimaiyyətlə əlaqələr və informasiya şöbəsinin müdiri Nəzmiyyə Yiğitoğlu “Xurşidbanu Natəvan Nizami muzeyində” adlı məruzə ilə çıxış edib.
Daha sonra AMEA-nın Nizami Gəncəvi adına Milli Azərbaycan Ədəbiyyatı Muzeyinin qədim və orta əsrlər Azərbaycan ədəbiyyatının tədqiqi və təqdimi şöbəsinin elmi işçisi Gülnar Əqiq Cəfərzadə "Qarabağ ədəbi mühitinin inkişafında Xurşidbanu Natəvanın rolu" mövzusu ilə çıxış edib.
Tədbirin bədii hissəsində X.Natəvanın qəzəlləri səsləndirilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər