Xumar Qədimovadan yeni mahnı 

Xumar Qədimova. Əməkdar artist

Xumar Qədimova. Əməkdar artist

9 noyabr 2021
# 12:32

Əməkdar artist Xumar Qədimova “Şuşa” adlı yeni mahnı ifa edib. Mahnının sözləri Rəşad Məcidə, ifası Xumar Qədimovaya məxsusdur.

Bu barədə kulis.aza Rəşad Məcid və Xumar Qədimova özləri məlumat veriblər. Xumar Qədimova bildirib ki, şeirin ilk dinləyicilərindən biri olub və çox təsirlənib:

“Bilirsiniz ki, mən ilk dəfə sənətə Şuşaya həsr etdiyim “İsa bulağı” mahnısı ilə gəlmişəm. Ona görə də Şuşaya, qələbəmizə, zəfərimizə mahnı bəstələməliydim. Bu olmalıydı. Əziz dostum Rəşad Məcid mənə bu şeiri oxuyanda çox xoşuma gəldi. İçdən, səmimi hislərlə yazılmışdı. Qərara gəldim ki, bu şeirə musiqi bəstələyim. Dediyim kimi də etdim, mahnını bəstələyib, sonra da oxudum. Mənə elə gəlir ki, bu mahnı Şuşaya həsr olunmuş mahnıların tacıdır. Bu mahnıda sevgi, həsrət, çoşqu, çağırış və qələbə var”.

Şeirin sözlərinin müəllifi Rəşad Məcid bildirib ki, 42 illik fasilədən sonra o, ilk dəfə yenidən Şuşa haqqında şeir yazıb:

“Bildiyiniz kimi Xumar Qədimova mənim bir neçə şeirimə mahnı bəstələyib. Hamısı da maraqla qarşılanıb və çox lirik mahnılar olub. Bu dəfə isə mən “Xarı bülbül” musiqi festivalı zamanı Şuşada olarkən Azərbaycan prezidentinin “dünyanın bütün şəhələrini gördüm, amma Şuşaya bənzər şəhər görmədim” sözlərindən ilhamlanaraq mayın 13-də qırx iki illik fasilədən sonra yenə Şuşa haqqında şeir yazdım. İlk şeirimin adı “Cıdır düzü” olmuşdu. Onu on beş yaşımda 1979-cu ildə yzmışdım. Yeni şeirm isə bir çox yerlərdə dərc olundu, özüm də efirdən səsləndirdim. Xumar xanım da şeirlə bağlı fikirlərini bildirdi və əlavə etdi ki, şeirə mahnı bəstələmək istəyir. Zəfər günləri ərəfəsində musiqini mənə yolladı. Düzü bir az təəccübləndim. Bu ifa Xumar xanımın digər ifalarından fərqli idi. Elə dinləyən kimi də musiqini cəngavərlik və qəhrəmanlıq mahnısı kimi qəbul etdim".

Rəşad Məcid yaxın günlərdə mahnının geniş təqdimatının olacağını da qeyd edib:

"Düşünürük ki, yaxın günlərdə mahnının geniş təqdimatını edək. Mahnının sözləri və musiqisi imkan verir ki, çox əzəmətli klip hazırlansın. Çox güman ki, yaxın gələcəkdə klipin hazırlanmasını həyata keçirmək üçün dəstək göstərənlər olacaq".

# 4376 dəfə oxunub

Oxşar xəbərlər

Bu gün bəstəkar Vasif Adıgözəlovun anım günüdür

Bu gün bəstəkar Vasif Adıgözəlovun anım günüdür

10:40 15 sentyabr 2025
Sən də tufanla oynama... - Günün mahnısı

Sən də tufanla oynama... - Günün mahnısı

10:30 15 sentyabr 2025
Xəyanətə görə yaddaşını itirən “detektiv kraliçası”  - O, əsərlərində hansı xalqları alçaltmışdı?

Xəyanətə görə yaddaşını itirən “detektiv kraliçası” - O, əsərlərində hansı xalqları alçaltmışdı?

10:15 15 sentyabr 2025
Azərbaycanlı sənətkarlar Türkiyədə "Kültür yolu" festivalında iştirak edib

Azərbaycanlı sənətkarlar Türkiyədə "Kültür yolu" festivalında iştirak edib

09:19 15 sentyabr 2025
Sabir Əhmədlinin oğlu:  "Atama ən böyük pisliyi Ramiz Mehdiyev eləyib" - Müsahibə

Sabir Əhmədlinin oğlu: "Atama ən böyük pisliyi Ramiz Mehdiyev eləyib" - Müsahibə

09:00 15 sentyabr 2025
Şəhər işıqlıdır, amma ümidli deyil...  - Bakı ilə necə yadlaşdıq?

Şəhər işıqlıdır, amma ümidli deyil... - Bakı ilə necə yadlaşdıq?

15:00 14 sentyabr 2025
Ana səhifə Yazarlar Bütün xəbərlər