Xəbər verdiyimiz kimi, gənc şair Rauf Qərib ARB telekanalında yayımlanan “Xalqın şairi” layihəsi haqqında özünün Facebook səhifəsində qalmaqallı status yazaraq, bildirib ki, verilişin müəllif və aparıcısı Mübariz Əsgərova ideyanı o verib.
Şair iddia edir ki, mükafata Şəkidəki bağ evini qoyacağını söz verib və birinciliyin ona verilməsi üçün Mübariz Əsgərovla razılaşıb. Sonra fikrindən daşınıb. Buna görə “Xalqın şairi” layihəsinin finalı gecikdirilərək mart ayına saxlanılıb.
Məsələ ilə bağlı Kulis.aza açıqlama verən M.Əsgərov şair Rauf Qəribi tanımadığını söyləyib: “Mən o Rauf Qəribdi, kimdi, onu tanımıram, heç bilmirəm haranın qəribidir və nə yazıb, neyləyib, məni heç maraqlandırmır da. İşim-gücüm var əlimdə. Ona baş qoşacaq qədər bekar deyiləm.”
M.Əsgərov “Xalqın şairi” yarışmasında mükafat kimi evin olub-olmayacağına da aydınlıq gətirib: “Nə deyilibsə, o da olacaq. İnşallah ev də olacaq. Ancaq yarışmada əsas məsələ kiməsə ev verib-verməmək deyil, efir imkanı olmayan şairlərin özünü ifadə etməsinə şərait yaratmaqdır”
“Bəs niyə final mart ayına saxlanılıb?” – sualın cavab verən aparıcı bunun səbəbini müraciət edənlərin çoxluğu ilə əlaqələndirib: “Bu qədər gözləmirdik. Ona görə bizə bir az vaxt lazımdır.”
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər