Rusiya Kommunist Partiyasının HBO istehsalı “Çernobıl” serialını qadağan etmək xahişinin ardınca Çernobıl AES-in baş direktoru İqor Qramotkin serial haqda fikirlərini bölüşüb.

Kulis.az-ın türk mətbuatına istinadən verdiyi xəbərə görə, İqor Qramotkin serialın tarixi gerçəkliyi əks etdirmədiyini söyləyib.

Çernobıl AES-ində 1988-ci ildən işə başlayan və ömrünün 30 ilini Çernobıla həsr edən İqor Qramotkin müəlliflərin hadisələrdə şişirtmələrə yol verdiyini, yersiz halda alkoqolu vurğuladıqlarını və bunu gerçəkliklə üst-üstə düşmədiyini söyləyib.

“O serialda hamı əlində araq dolaşır və dayanmadan içir. Siz düşünürsüz ki, təhlükəsizliklə bağlı əhəmiyyətli qərarları sərxoş halda verirdilər? Çətin vəziyyətlərdə belə likvidatorlar özlərinə içkiyə icazə verməzdilər, çünki vacib qərarlar verirdilər”.

Daha sonra AES-in eks direktoru tunelə düşən çəlpaq şaxtaçılar səhnəsini də tənqid edib.

“Əlbəttə, şərtlər ağır idi. İnsanlar 50 dərəcə istidə işləyirdilər, amma belə göstərmək olmaz".

Qramotkin Çernobıl AES-in zərərsizləşdirilməsini sovet xalqının qəhrəmanlığı kimi qiymətləndirib və bunu layiqincə əks etdirmək gərək olduğunu vurğulayıb.

Xatırladaq ki, “Çernobıl” serialı Çernobıldakı AES-in də baş verən radioaktiv fəlakətdən bəhs edir və serialın ilk seriyaları mayda yayımlanıb.

• Kanye Vestin Şanxaydakı konserti narazılıqla qarşılandı
• Ermənilər bu mahnımızı da oğurladılar
• Rusiyada Azərbaycan tamaşalarından imtina edildi