Məhəmməd Füzulinin türkcə (azərbaycanca) “Divan”ının əlyazmasının surəti “Dünya Yaddaşı” Proqramı Reyestrinə daxil edilib.

Kulis.az Azərtaca istinadən xəbər verir ki, bu barədə UNESCO-dan Azərbaycan Milli Elmlər Akademiyasının (AMEA) Məhəmməd Füzuli adına Əlyazmalar İnstitutunun direktoru, akademik Teymur Kərimlinin adına göndərilən məktubda bildirilir.

Məktubla qərarı təsdiq edən sertifikat da göndərilib.

• Tanınmış aktrisa xəstəxanaya yerləşdirilib
• Allah, ağzımı əy, keç günahımdan - Vaqif Bəhmənlinin şeirləri
• “Aşkın Yüzü” filminin nümayişi başlayır

Əlyazmalar İnstitutundan bildiriblər ki, haqqında söhbət gedən əsər Füzulinin türkcə (azərbaycanca) “Divan”ının ən mötəbər nüsxəsi sayılan, 1572-ci ildə üzü köçürülən Bakı əlyazmasıdır.

Ölkəmizin mədəniyyəti və elmi üçün böyük əhəmiyyət daşıyan bu əlamətdar hadisənin təqdimat mərasimi AMEA və UNESCO-nun Azərbaycan nümayəndəliyinin birgə təşkilatçılığı ilə Məhəmməd Füzuli adına Əlyazmalar İnstitutunun binasında keçiriləcək.

• Tanınmış aktrisa xəstəxanaya yerləşdirilib
• Allah, ağzımı əy, keç günahımdan - Vaqif Bəhmənlinin şeirləri
• “Aşkın Yüzü” filminin nümayişi başlayır