Dünyanın ən məşhur onlayn video platforması Youtube-un ABŞ-dakı mərkəzinə silahlı hücum edib daha sonra özünü öldürən azərbaycanlı Nasim Aghdam qaranlıq pərdəni aralayıb başqa bir məsələyə diqqət çəkir.

1 milyarda yaxın istifadəçisi olan Youtube Google-un 110 milyard dollardan çox gəlirində də xüsusi bir paya sahibdir. Dünyanın üçdə birinin istifadə etdiyi Youtube 2017-ci ildən Googledən gələn gəliri də mənimsəyir.

Google-un bu onlayn video-izləmə platforması sadəcə reklam verənlərin deyil, eyni zamanda bu platformaya video yükləyən istifadəçilərin də gəlir mənbəyidir.

Bu iş sizə bəsit görünə bilər. Deyə bilərsiniz ki, bir pişik videosu çək, Youtube-a yüklə və pul qazan. Əslində isə bu platforma üzərindən pul qazanmaq üçün Google və Youtube-un tez-tez dəyişən axtarış nəticələrini, təqdim olunan videoları necə göstərdiyini müəyyən edən alqoritmaları analiz etmək lazımdır.

100 min dəfə izlənən bir videonun bu videonu yükləyənə qazandıracağı məbləğ Youtube şərtlərində 100-dən çox kriteriyaya görə dəyişir. Üstəlik Youtube üzərindən qazanılacaq gəlir kanalın yerləşdiyi ölkə və yayım dilinə görə dəyişir. Məsələn, ABŞ-da 1000 baxışa gələn gəlir 5-6 dollar civarındadırsa, Türkiyədə bu məbləğ 1 dollar edəcək. Şərtlər belə olduğuna görə bir çox Youtuber xəyal qırıqlığı yaşayır.

Bu dramanın da ən son nüminəsi Nasim Aghdamdır. O, “300 min baxışıma 0.10 dollar?” sözləri ilə Youtube-nin yayım siyasətini tənqid etmişdi.

Nasim Aghdam “kanalındakı videoların filtirlənməsi” və populyarlığının azalması səbəbi ilə Youtube-u günahkar çıxarıb silahlı hücum təşkil etmişdi. Üç adamın yaralandığı terror aktında səbəbkarın intihar etdiyi ortaya çıxdı.

Özəl mərkəzə daxil olarkan Nasim Aghdam şal və eynək taxmışdı. Onun terror zamanı hər hansı bir kimlikdə olmadığı ortaya çıxmışdı. Eyni zamanda Nasim Aghdamın Youtube-dakı hansısa şəxslə birbaşa bağlantısı olmaması da yayılan xəbərlər arasındaydı.

Terror aktından sonra Nasim Aghdamın Youtube-dakı videoları silindi. Azərbaycan kökənli İran vətəndaşı Nasim Youtube-da ingiliscə, farsca və türkcə heyvan haqları, veganlar haqqında videolar paylaşırdı. Videoları sırasında musiqilər yer alan Nasimin Tarkan pərəstişkarı olduğu da ortaya çıxdı.

Nasim Aghdam veb-saytlarındakı videolarda Youtube-un reklam siyasətini tənqid edir. Mindən az abunəsi olan kanallardan reklam ödənilməsinin aradan qaldırılması Nasim Agdhamın qəzəbinə tuş gəlib. Özü bu haqda bunları yazıb:

“Diqqət! Diktatorlar hər yerdə var. Özü də fərqli simada. Onlar sadə adamlardan istifadə edirlər. Onları aldadırlar. Sadəcə pul qazanmağı düşünürlər və bu məqsədə xidmət edirlər. Azadlıq adına insanları robota döndərirlər”.

Terrordan sonra Youtube-un baş icraçı direktoru Susan Voycicki bunları söyləyib:

“Silahlı bir terroristin Youtube-a gəlməsinin nə qədər qorxunc olduğunu ifadə edəcək söz tapa bilmirəm”.

Bu arada Nasim Aghdamın atası İsmail Aghdam Amerika mediasına açıqlama verib. Onun sözlərinə görə, qızı Youtube-nun ona pul ödəmədiyi üçün qəzəblənib. Daha sonra isə qız yoxa çıxıb və iki gün ondan xəbər gəlməyib.

Atası qızının Youtube-a silahlı hücum edəcəyini polisə bildirdiyini də açıqlayıb. Polisin silahlı hücumdan saatlar əvvəl, gecə saat 2-də maşınında yuxulayan Nasim Aghdamı xəbərdar etdiyi də hadisənin ən maraqlı detallarından biri olub. /haberturk.com/

• "Bilmirdi bu ölkənin nəyini və necə sevsin..." - Çeslav Miloşun "İssa vadisi" romanından bir hissə
• Alt dodaqdan üst dodağa qalxa bilməyən səsə qədər... - Rəsul Rza
• "Susuz yaz"ın ssenari müəllifi və rejissoru açıqlandı