Hər kəs bazara, mağazaya getməyi, alış-veriş etməyi sevir. Ancaq bu yazıda sizə təqdim edəcəyimiz satış yerləri adət etdiyimiz satış məkanlarından qat-qat fərqli və arzuolunmazdır.

Las-Veqasda açılmış mağazada zombilərlə mübarizə aparmaq üçün silahlar satılır.

Bolivyanın 3 min 400 metr yüksəkliyində yerləşən paytaxt La- Pasda yerləşən ifritələr marketi insanların təəccübünə səbəb olur. Marketdə qurudulmuş insan dölü və heyvan kəllələrinə qədər hər şey satılır.

İngiltərədəki Smitfild qəssab dükanında insan əti və orqanları satılmaqdadır. Fəqət bu ət tikələri həqiqi insan ətindən deyil. Kəsilən müxtəlif heyvan tikələri insan bədəni formasına salınaraq satışa çıxarılır.

Bolqarıstanın qaraçılar bazarında 16-20 yaş arasında gənc qızlar satılır. Ərə getmək istəyən qızlar bura gəlib özlərinə ər axtarırlar. Başlıq pulu 5 min avroya qədər olan bu ənənəvi satışda evlənmək istəyənlərin valideynləri də iştirak edirlər.

Tailanddakı Mekxlonq bazarı tropik meyvə tərəvəzlərin, növbənöv ədviyyatların ən çox satıldığı məkan kimi məşhurdur. Satış isə dəmiryol xətlərinin üzərində həyata keçirilir. Həftənin bütün günləri həmin relslərin üzərindən yeddi dəfə keçən qatarlar satıcıları öz mallarını qatar xəttindən kənara daşımağa məcbur edir.

Afrikada yerləşən Toqo bazarında cadulu aksesuarlar və otlar satılır. Bu bölgənin insanları Voodoo uşaq tilsimlərinə və digər cadulara inanırlar.

İndoneziyada bazarların birində isə it, meymun, piton ilanları, donuzlar, pişiklər, siçanlar iplə boğularaq öldürülüb hisə verilir və müştərilərə satılır.

Çinlilərin böcək yedikləri yəqin heç kimə sirr deyil. Pekin bazarlarında meyvə, tərəvəzlə yanaşı böcəklər də ən çox satılan qida məhsulu hesab olunur.

Banqladeşin paytaxtı Dəkkədə yerləşən bazar dünyanın ən iyrənc bazarlarından biri hesab olunur. Həmin bazarda uşaqlar müxtəlif fabriklərdə işləmək üçün satışa çıxarılır. Qız uşaqları ordan satın alınaraq əxlaqsızlıq yuvalarına aparılırlar.

• Narkomaniyaya Qarşı Beynəlxalq Mübarizə Gününə həsr olunmuş sərgi açıldı
• Azad Yaşarın “Gözlüğün uykusu” kitabı Amazonda
• Birinci Türkoloji Qurultayın 100 illiyi UNESCO-da qeyd ediləcək