"Mədəniyyət sahəsinə marağın yüksəldilməsi" layihəsi üzrə təlimlər keçirilir

"Mədəniyyət sahəsinə marağın yüksəldilməsi" layihəsi üzrə təlimlər keçirilir
14 iyun 2016
# 11:21

Azərbaycan Respublikası Mədəniyyət və Turizm Nazirliyi tərəfindən dəstəklənən və “Savadlı Cəmiyyət” Müasir Təhsilə Dəstək İctimai Birliyinin bu ilin may ayından icrasına başladığı və yaxın 3 ay ərzində gerçəkləşəcək “Mədəniyyət sahəsinə marağın yüksəldilməsi” layihəsinin məqsədi gənclər arasında mədəni maarifləndirilmənin səviyyəsinin yüksəldilməsi və mədəni fəaliyyətdə iştirakçılığının artırılması üçün könüllülük fəaliyyətinin həvəsləndirilməsidir.

Layihənin məqsəd və vəzifələrinə çatmağa dəstək vermək istəyən və maraq göstərənlər arasından Fokus Qrup olaraq 60 nəfər müəyyən edildi (2 qrup, hər birində 30 nəfər olmaqla). Hazırda dinləyicilər arasında mədəni maarifləndirilmənin səviyyəsinin yüksəldilməsi və mədəni fəaliyyətdə iştirakçılığının artırılmasına və sosial-mədəni həyat tərzini təbliğinə istiqamətlənmiş işlər üçün Könüllü Qrupunun formalaşması məqsədi ilə təlimlər keçirilir. Təlimlər “Könüllülük haqqında məlumat”, “Könüllülük hərəkatının əsas üstünlükləri”, “Könüllülüyün cəmiyyətə töhfəsi”, “Ümumkönüllü bəyannaməsi”, “Könüllülü olmağın yolları”, “Könüllülüyün şəxsi karyera inkişafında rolu”, “Könüllülərin seçilim prinsipləri”, “Könüllülərin vəzifəsi və statusu”, “Əhalinin mədəni maarifləndirilmənin səviyyəsinin yüksəldilməsi mexanizmləri”, “Mədəni fəaliyyətdə iştirakçılığın artırılması yolları”, “Sosial-mədəni həyat tərzinin təbliği” mözvularını əhatə edir. Təlimlər nəzəriyyə və praktik hissədən ibarət olacaq. Nəzəriyyə hissəsində dinləyicilərə yuxarıda göstərilən mövzular ətrafında geniş məlumat verilir, bilik interaktiv yollar, metodlar, müxtəlif oyunlar vasitəsi ilə çatdırılır. Təlimlərdə iştirak etmiş şəxslər üçün mövzu üzrə fikirləri və meyarları özündə cəmləyən kiçik formatlı məlumat toplusu kimi hazırlanmış Yaddaş Bukleti də təqdim olundu. Bu təlimlərdən sonra onlara lazım olduqda məlumat almaq üçün köməkçi vasitə kimi istifadə etməyə imkan yaradacaqdır.

Layihənin növbəti mərhələsində formalaşan Könüllü Qrupları təlimlər zamanı əldə etdikləri nəzəri bilikləri praktik tətbiqi üçün təbliğat fəaliyyətlərinin təşkil edilməsini həyata keçirəcəklər. Bu zaman onlar əhali arasında mədəni maarifləndirilmənin səviyyəsinin yüksəldilməsi və mədəni fəaliyyətdə iştirakçılığının artırılmasına çalışacaq, bu sahədə fəaliyyətin həvəsləndirilməsi üzrə görüşlər keçirəcəklər. Bundan əlavə Könüllü Qrupunun üzvləri və təbdirin mütəxəssisləri tərəfindən təbliğat aparılan ərazilərdə yeniyetmə və gənclər arasında xüsusi istedadlı və yaradıcı şəxslər müəyyən ediləcəkdir. Sonra onlarla müvafiq işlər aparılacaq və tədbirə cəlb olunan mütəxəssislər kurslar keçirərək yeniyetmə və gənclərə müxtəlif əl işlərinin hazırlanma metodları nəzəri formada öyrədəcəklər. Daha sonra bu biliklər praktik olaraq həyata keçiriləcək və bu cür bacarıqları olan yeniyetmə və gənclər gələcəkdə tədbir çərçivəsində təşkili planlaşdırılan sərgiyə müxtəlif ölçülü və formalı əl işləri hazırlayacaqlar. Kurslar zamanı hazırlanmış əl işlərindən ibarət sərgi təşkil olunacaq. Sərgiyə dəvət edilən müxtəlif qonaqlara oradakı işlərin müəllifləri tanış etmək, onların gələcək fəaliyyətlərinə dəstək olmağa yardım olmaq nəzərdə tutulub.

Sözügedən layihədə qaldırılan problemin həlli “Azərbaycan Respublikasının Mədəniyyət Konsepsiyası”nın “2.2. Mədəniyyətin idarə olunmasında müasir üsulların tətbiqi” bəndindəki “Qeyri-hökumət təşkilatları və özəl sektorla əməkdaşlığın həyata keçirilməsi, milli mədəni özünəməxsusluğun və çoxşaxəliliyin, multikulturalizmin qorunub saxlanılması, fərdi təşəbbüslərin təşviq edilməsi və layihələrin həyata keçirilməsi məqsədi ilə mədəniyyət sahəsində davamlı liberallaşmanın aparılması” və eləcə də, həmin Konsepsiyanın “2.5 Təhsil və insan resurslarının inkişafı” bəndindəki “mədəniyyət sahəsində təhsil, o cümlədən əlavə təhsil sisteminin təkmilləşdirilməsi,” və “müsabiqə, sərgi, festival və digər tədbirlərin təşkili yolu ilə gənc istedadların üzə çıxarılması işinin davam etdirilməsi” istiqamətləri üzrə nəzərdə tutulanların icrasına töhfə vermiş olacaq.

# 1542 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
# # #