Gənc yazar Orxan Həsəni Kulisin efirində AYB və "Ulduz" jurnalı xətti ilə nəşr olunan “Metro terminalının sevgisi” adlı ilk kitabını yandıracağını söyləyib.

Canlı yayım ədəbi mühitdə reaksiya doğurub.

Kulis.az məsələnin aktuallığını nəzərə alaraq “Ulduz” jurnalının hesabına çıxacaq növbəti kitabın müəllifi Rəvan Cavidlə əlaqə saxlayıb. Gənc yazar layihədən imtina etdiyini söyləyib:

“Bu layihədə mənim də kitabımın nəşri planlaşdırılmışdı. Təxminən payız aylarında. Ancaq Orxanın kitabını görən kimi Qulu müəllimlə danışdım. O, dedi ki, çıxacaq bütün kitablar bu formatda olacaq. Birincisi, səhifə sayı məni qane etmədi; təxminən 200 səhifəlik materialın cəmi 60 səhifəsini nəşr edəcəkdilər. İkincisi, nəşriyyatın işindən razı qalmamışdım; vərəqlər ağ, kley əvəzinə isə sancaqdan istifadə olunmuşdu. Yəni kitab yox, dəftərçə idi. Mən "AYBkitab" layihəsi, "525-ci qəzet"in kitab layihəsi ilə tanışam, o layihələrdə bundan qat-qat keyfiyyətli iş ortaya çıxırdı. Elə bildim, "Ulduz"da da belə olacaq. Qulu müəllimlə danışdıq və qərara gəldik ki, mənim adımı siyahıdan çıxarıb başqa bir gənci əlavə etsinlər. Kitab bir imza üçün önəmlidir, ona bu cür məsuliyyətsiz yanaşmaq olmaz. Düşündüm ki, bu, oxucuya da hörmətsizlikdi. Beləcə imtina elədim”.

Xatırladaq ki, məsələ ilə bağlı AYB katibi Rəşd Məcid danışsa da layihənin rəhbəri, "Ulduz" jurnalının baş redaktoru Qulu Ağsəs iki gündür telefonlarımıza cavab verimir.

• Kiyev tərəflərin nə çəkdiyini çırpına-çırpına sarı sim bilir - Günün şeiri
• Daşnakların qara siyahısındakı daxili işlər naziri - Onun qatili Torlokyan cəzadan necə yayındı?
• Bir qadın sizdən imtina etmək istəyirsə