Mədəniyyətşünas alim Aydın Əlizadə qadınların geyimi ilə bağlı fikirlərini yazıb. Polemika açan alim qızların açıq-saçıq geyinmələrini tənqid edib:

“Qızların qısa ətəkləri barəsində Avropa standartlı bir qadınla söhbət edirdim. O, deyirdi ki, bizim ölkədə azadlıq yoxdur, kişilər çılpaqlaşan qızlara pis baxırlar. Halbuki, geyim məsələsi insanın şəxsi işidir, bu ölkədə azadlıq yoxdur və s.

Dedim ki, ay xanım, yanılırsan. Bizim Azərbaycanda çılpaqlaşma Avropanı və Amerikanı üstələyib, azadlığın yüksək dərəcəsinə çatıb. Məsələn, orada rəsmi dövlət idarələrində qanun qoyurlar: qadınlarların ətəkləri gərək dizdən aşağı olsun, sinə isə bağlanmalıdır.

Bizdə isə dövlət idarələrinə gəlirsən, qısa ətəkli, açıq sinəli qızlar cənnət huriləri kimi uçur ora-bura. Kişi iş görmək istəyir , ancaq istər-istəməz gözü ilişir; İş qalır bir qıraqda, başlayırsan çılpaq ayaq və sinələrə baxmağa. Baxmamaq da olmur. Hətta mənimlə bir hacı işləyirdi, gördüm bir qızın ayaqlarına baxır. Dedim, Hacı, günahdı baxma. Dedi, necə baxmayım ki, qız özü soyunub qabağımda? Mən axı kişiyəm!

Beləliklə, biz geyim məsələsində bəzən Amerika Avropanı da geridə qoymuşuq. Razılaşa bilmirəm ki, burada azadlıq yoxdur. Qızlar dövlət idarələrində hətta hacıları yoldan çıxarırlar. Amerika o qələti edə bilməz!”

• Hekayə müsabiqəsinin qalibləri açıqlandı
• Əlimizdə çarə yox, cəmiyyəti sel aparıb - Aliminə, ağsaqqalına lağ edən naqqallar
• Eynşteynin ən çox sevdiyi beş kitab - Siyahı