Bu yaxınlarda tanınmış aktyor İlkin Həsəni “Çernobl” serialı haqqında status yazmışdı. Statusa Rövşən Qurbanlı adlı izləyici maraqlı bir rəy bildirmiş və həmin rəy tez bir zamanda trend olmuşdu. Rövşən Qurbanlı rəyində qeyd etmişdi:

“Deməli, belə seriallara, filmlərə də baxırsınız, amma bizə baxmağa Şəmiylə Şöşünü hazırlayırsınız”.

Kulis.az trend olmuş rəyin müəllifi ilə əlaqə saxlayıb. Rövşən Qurbanlı sözügedən rəy haqda bunları söyləyib:

“Mən rəyi yazdım və insanlardan dəstək gördüm. Hələ də reaksiya verilir. Yəqin ki, illərlə eyni personajları, eyni janrlarda filmləri görməkdən hər kəs bezmişdi. Dəyişiklik yox idi. Mənim rəyim də o insanların ona görə diqqətini çəkdi ki, onlar da bu eynilikdən bezmişdilər və sanki mənim fikrim onların fikirləri ilə üst-üstə düşdü”.

R.Qurbanlı daha sonra əlavə edib:

“İlkin Həsəni rəyimə cavab vermədi. Mən İlkin bəyi 2013-cü ildə Avroviziyadakı çıxışı ilə tanımışam. Çox maraqlı fikirlər bildirmişdi və o gündən onu izləyirdim. Onun aktyorluq və yaxud aparıcı işinə qarışmıram. Bir var, yaradıcı fəaliyyət, bir də ictimai fəaliyyət. Bunlar ayrı-ayrı şeylərdi. Aparıcı kimi çox yaxşı aparıcıdır. Sadəcə mənim rəyi aktyorluq fəaliyyətindəki eyniliklə bağlı idi. O rəy eyniliyə etiraz idi. Artıq eyni aktyorların olduğu, eyni janrlarda çəkilmiş filmlər insanları bezdirir”.

• Gözləri tutulandan sonra ən məşhur tablolarını yaratdı - Dahilərin müəllimi haqqında
• Zihni Göktay vəfat etdi
• “Regionlarda peşəkar teatr dərsləri” layihəsi davam edir