İngiltərə kraliçası II Elizabetin dəfn məşqi icra olundu.

Kulis.azın türk mətbuatına istinadən verdiyi xəbərə görə, 92 yaşındakı kraliça dəfn məşqinin olacağını əvvəlcədən bildirmişdi.

Səhhətində problemlər yaşayan II Elizabetin dəfn planı “London Bridge” adlanır. Onun planına görə, ölümündən sonra Böyük Britaniya baş naziri Teresa May çıxış edəcək və 10 gün yas elan olunacaq. Dəfn məşqində bütün rəsmi adamların iştirakı gözlənilir.

Elizabetin “dəfni”ndə siyasətçilər ictimaiyyət nümayəndələri ilə görüşəcək, daha sonra isə Teresa May xalqa səslənəcək.

“London Bridge” planı kraliçanın St Pauls Katedralında qatıldığı bir mərasim sırasında səhhətinin pisləşməsinin ardından hazırlanıb. Buckingam sarayından verilən açıqlamaya görə, kraliçanın səhhətində ciddi bir problem yoxdur və bu səbəblə həkim çağırılmayıb.

Kraliçanın “dəfni”nə BBC də ciddi hazırlıqlar görüb. Ən məşhur aparıcılar Elizabetin ölümündən sonra süjetlər çəkib.

BBC kraliçanın ölüm elanını bildirəcək və daha sonra himn oxunacaq, bütün kanallar kraliçanın şəklini arxa fona yerləşdirəcək. Bundan başqa, tünd rəngdə kostyum geyinən aparıcılar ağ köynək geyinib üzərindən qara qalstuk taxacaqlar. Elandan sonra olacaq cənazə mərasiminə qədər isə televiziyaların yayım siyasəti dəyişdiriləcək və əyləncə proqramları aradan qaldırılacaq. Televiziya və radio verilişlərində kraliçanın öldüyü rəsmi açıqlandıqdan sonra efirə veriləcək duyğusal mahnılar siyahısı da hazırlanıb.

Xatırladaq ki, II Elizabet Böyük Britaniyanın ən uzun müddət taxtda oturan rəhbəridir.

• 21-ci əsrin ən yaxşı rok mahnısı seçildi
• 1600 illik Roma sənətinin sirri açıldı – Alimlər rəngini dəyişən şüşəni yenidən hazırladılar
• "Oskar"ın dizaynı Misir tanrısının heykəlinə bənzədildi