Yadıma yar düşübdü – Sabir Abdinin şeirləri

Yadıma yar düşübdü – Sabir Abdinin şeirləri
13 iyun 2017
# 13:02

Kulis.az Sabir Abdinin şeirlərini təqdim edir.

Sənə deyəcəyim sözüm qalmadı

Əllərim titrədi, soldu çiçəklər,

Baxıb gözlərimə doldu çiçəklər,

Görüş yerimizdə qaldı çiçəklər,

Sənə deyəcəyim sözüm qalmadı.

Günəşin üzünü örtdü buludlar,

Yalqız çiçəkləri gördü buludlar,

Qaldırdı çiyninə dərdi buludlar,

Sənə deyəcəyim sözüm qalmadı.

Üşüdü çiçəklər, küsdü çiçəklər,

Həsrətdən, kədərdən əsdi çiçəklər,

Ayaqlar altında gəzdi çiçəklər,

Sənə deyəcəyim sözüm qalmadı.

Çiçəklər həsrətli yoldu, çığırdı,

Nəmli gözlərindən yağış yağırdı,

Çiçəklər qəfildən məni çağırdı,

Sənə deyəcəyim sözüm qalmadı.

Günahsız çiçəklər günaha batdı,

Qəlbimdə kədəri, qəmi oyatdı,

Çiçəklər alışıb ocaq çatdı,

Sənə deyəcəyim sözüm qalmadı.

Sən getdin...

Sən getdin...

Dəli oldu gözlərim,

Səsim çıxdı yollara,

İtkin düşdü gözlərim.

Sən getdin...

Buza döndü əllərim,

Barmaqlarım dil açdı,

Saçın yoldu güllərim.

Sən getdin...

Ovcuma qar yağırdı,

Saxlamışdım, uçurdum,

Göylər məni çağırdı.

Sən getdin...

Söndü odum, ocağım,

Tüstüsündən isindim,

Beşik oldu qucağım.

Bu gecə, uzun gecə

Bu gecə, uzun gecə...

Yuxuma gor düşübdü

Bu gecə, uzun gecə

Yadıma yar düşübdü.

Bu gecə, uzun gecə...

Həsrətin gözüm üstə.

Xəyalım ocaq çatıb,

Yatmışam közüm üstə.

Bu gecə, uzun gecə...

Yadıma dəniz düşüb.

Bu dəniz hardan gəlib,

Yuxuma sənsiz düşüb?

Bu gecə, uzun gecə...

Özümə yad olmuşam.

Vüsala çatmır əllərim,

Quraca ad olmuşam.

Bu gecə, uzun gecə...

Bitmir hicran davası.

Bakıya bahar gəlib,

Könlümdə qış havası.

Pəncərəmi döyən yağış

Pəncərəmi döyən yağış,

Heyran-heyran sənə baxdım.

İstəmirdim tək yağasan,

Sənlə birgə mən də yağdım.

# 1877 dəfə oxunub

Oxşar xəbərlər

Orxan Pamuk yeni romanını yekunlaşdırmaq üzrədir

Orxan Pamuk yeni romanını yekunlaşdırmaq üzrədir

14:05 13 sentyabr 2025
"Coldplay" Vembley stadionunun tamaşaçı rektordunu qırıb

"Coldplay" Vembley stadionunun tamaşaçı rektordunu qırıb

13:05 13 sentyabr 2025
Xalq artisti Hacı Murad Yagizarov vəfat edib

Xalq artisti Hacı Murad Yagizarov vəfat edib

12:48 13 sentyabr 2025
Hollandiya Avroviziya 2026 Mahnı Müsabiqəsini boykot edib

Hollandiya Avroviziya 2026 Mahnı Müsabiqəsini boykot edib

12:05 13 sentyabr 2025
Mircəfər Bağırovun xəstə sevgisi - Xədicə Qayıbova ona niyə sillə vurmuşdu?

Mircəfər Bağırovun xəstə sevgisi - Xədicə Qayıbova ona niyə sillə vurmuşdu?

12:00 13 sentyabr 2025
Parlamentin Mədəniyyət komitəsinin payız sessiyası üçün iş planı təsdiqlənib

Parlamentin Mədəniyyət komitəsinin payız sessiyası üçün iş planı təsdiqlənib

11:00 13 sentyabr 2025
Ana səhifə Yazarlar Bütün xəbərlər