“Nazirlər Kabineti yanında Terminologiya Komissiyasının nəzdindəki “Adlar və soyadlar” komissiyasına şəxs adların düzgün yazılışı və dilimizə uyğun olmayan adların uşaqlara verilməsi ilə bağlı müraciətlər daxil olur”.

Bunu APA-ya Nazirlər Kabineti yanında Terminologiya Komissiyasının sədr müavini Sayalı Sadıqova deyib.

O bildirib ki, “ASAN xidmət” mərkəzləri tərəfindən Azərbaycan dilinə uyğun olmayan - “Toybəy”, “Arenda” adları ilə bağlı müraciətlər olub: “Bu adların uşaqlara verilməsinə icazə verilməyib. Bir də “Əli” və “Yusif” adlarının “Ali” və “Usub” şəklində uşaqlara verilməsini israr edən valideynlər var. Lakin adların düzgün yazılış forması “Əli” və “Yusif”dir. Bunu vətəndaşlarımız bilməlidir”.

Son dövrlər oğlan uşaqlarına daha çox dini adların qoyulduğunu vurğulayan S. Sadıqova qeyd edib ki, “Übeyd”, “Üveys” adları ilə də bağlı edilən müraciətlər artıb: “Bu günlərdə “Musab” və “Ünalp” adları ilə bağlı müraciət edilib. “Ünalp” çox maraqlı addır. “Ün” - səs, “alp” - igid deməkdir. Bu ad “İgidin səsi” anlamını verir. “Ünal”, “Tuqan”, “Tuqay” adları da artıq qəbul olunub. “Tuqay” adının isə iki mənası var. Bu ad həm “hərbi birlik”, həm də “əziz” mənasını daşıyır”.

• Türkiyənin "Kainat gözəli" açıqlandı
• "Ümumiyyətlə, aktyor sənəti indi lazımlıdırmı?" - Əməkdar artist teatrın problemlərindən danışdı
• "Mirvari sırğalı qız"ın sirri açıldı