Ötən həftə Qəbələ rayonunda yerləşən Heydər Əliyev Mərkəzində “Azərbaycanda yaşayan milli azlıqların söz yaradıcılıqları” layihəsi çərçivəsində çap olunmuş “Milli azlıqların bədii yaradıcılıq antologiyası” kitabının təqdimatı keçirilib.

Tədbiri giriş sözü açan AYF-nin Təşkilat şöbəsinin rəhbəri Fuad Cəfərov tədbir iştirakçılarını salamlayaraq çap olunmuş kitab barədə oxuculara məlumat verib. O, 2014-cü ildə ölkə başçısının sərəncamı əsasında Bakı Beynəlxalq Multikulturalizm Mərkəzinin yaradılması və qarşıya qoyulan hədəflər barədə iştirakçıları məlumatlandırıb. Mərkəzin Himayəçilər şurasının sədri Kamal Abdullayevin və icraçı direktoru Rəvan Həsənovun Azərbaycan multikulturalizm modelinin xaricdə təbliği yolunda gördüyü işlərdən, qazanılan uğurlardan və qarşıda duran məsələlər barədə məlumat verib.

Daha sonra AYF-nin sədr müavini Rafiq Kaşanlı Azərbaycanda yaşayan azsaylı xalqların tarixi, mədəniyyəti, ədəbiyyatı, dini mənsubiyyəti barədə geniş çıxış edib. O, Azərbaycanda multikulturalizmin banisi Ümummilli lider Heydər Əliyevin bu sahəyə olan böyük diqqətindən və onun bu siyasətinin cənab prezident İlham Əliyev tərəfindən layiqincə davam etdirildiyindən bəhs edib.

Antologiya tədbir iştirakçıları tərəfindən böyük maraqla qarşılanıb.

Sonda F.Cəfərov tədbirin keçirilməsində göstərdiyi dəstəyə görə, Azərbaycan Respublikası Prezident Adminstrasiyasına, Azərbaycan Respublikasının Prezidenti yanında Qeyri-Hökumət Təşkilatlarına Dövlət dəstəyi Şurasına, Bakı Beynəlxalq Multikulturalizm Mərkəzinə, Qəbələ rayon İcra Hakimiyyətinə öz təşəkkürünü bildirib.

Xatırladaq ki, kitab Azərbaycan Respublikasının Prezidenti yanında Qeyri-Hökumət Təşkilatlarına Dövlət dəstəyi Şurası və Azərbaycan Yaradıcılıq Fondunun birgə layihəsidir.

• Cudi Denç “Pişiklər” filmini tənqid etdi: “İstedadın və etimadın israfı”
• “Dune” trilogiyasının sonuncu filmi üçün yeni treyler yayımlandı – Pol Atreydesi nə gözləyir?
• Beynəlxalq səyyahlar Gəncəsər monastırında