“Azərbaycan mədəni irsi Luvr Muzeyində” adlı sərgi keçirilib

“Azərbaycan mədəni irsi Luvr Muzeyində” adlı sərgi keçirilib
3 iyul 2019
# 11:12

İyulun 3-dən sentyabrın 30-dək UNESKO-nun Ümumdünya İrs Komitəsinin 43-cü sessiyası çərçivəsində Azərbaycan Xalça Muzeyində “Azərbaycan mədəni irsi Luvr Muzeyində” adlı sərgi təşkil olunub.

Kulis.az xəbər verir ki, dünya şöhrətli Luvr Muzeyinin daimi ekspozisiyasında sərgilənən üç nadir eksponat ilk dəfə olaraq Bakıda nümayiş edilib.

Mədəniyyət naziri Əbülfəs Qarayev bildirib ki, Xalça muzeyi ilə Luvr muzeyi arasındakı əlaqələr yüksək səviyyədədir. Luvr və dünyanın digər muzeylərindəki eksponatların sırasında Azərbaycanın tarixi ilə əşyaları təhlil edək. Nəticədə isə xarici ölkələrin muzeylərində Azərbaycanla bağlı kifayət qədər çoxlu əşyaların olduğunun şahidi oluruq.

Nazir qeyd edib ki, Xalça muzeyində Luvrda saxlanılan üç Azərbaycan xalçası nümayiş olunur. “Biz, həmçinin ona görə sevinirik ki, Luvr kimi muzeydə Azərbaycan xalqının aid olan bu xalçaların saxlanması faktı mövcudddur. Mərasimə gələn nüfuzlu qonaqların qarşısına bu faktı qoymaqla mədəniyyətimizi nümayiş etdiririk”, - deyə Ə.Qarayev əlavə edib.

Tədbirdə çıxış edən Fransanın Azərbaycandakı səfiri Orelia Buşez bildirib ki, bu, hər iki dövlət arasında əməkdaşlığın göstəricisidir. Luvr və Xalça muzeyi arasında olan bu unikal tədbir hamı üçün çox maraqlıdır və bu gün bu qeyri adi xalçaları kəşf edirik. Bu tədbir Parislə Azərbaycan arasında olan münasibətləri nümayiş etdirir.

Layihə “Azərbaycan Respublikasında xalça sənətinin qorunması və inkişaf etdirilməsinə dair 2018-2022-ci illər üçün Dövlət Proqramı”nın həyata keçirilməsi istiqamətində Azərbaycan Xalça Muzeyinin töhfəsidir.

Sərgi Azərbaycan Respublikasının Mədəniyyət Nazirliyi, Azərbaycan Xalça Muzeyi, Fransanın Azərbaycandakı Səfirliyi, Luvr Muzeyi, Azərbaycan-Fransız İnstitutu və “Silk Way West Airlines” QSC-nin təşkilatçılığı ilə həyata keçirilir.

# 2652 dəfə oxunub

Oxşar xəbərlər

Şəhər işıqlıdır, amma ümidli deyil...  - Bakı ilə necə yadlaşdıq?

Şəhər işıqlıdır, amma ümidli deyil... - Bakı ilə necə yadlaşdıq?

15:00 14 sentyabr 2025
Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

10:00 14 sentyabr 2025
Şamaxıda Üzüm və Şərab Festivalı start götürür

Şamaxıda Üzüm və Şərab Festivalı start götürür

16:30 13 sentyabr 2025
İran və Azərbaycan qarşılıqlı mədəniyyət günləri keçirəcək

İran və Azərbaycan qarşılıqlı mədəniyyət günləri keçirəcək

16:05 13 sentyabr 2025
Orxan Pamuk yeni romanını yekunlaşdırmaq üzrədir

Orxan Pamuk yeni romanını yekunlaşdırmaq üzrədir

14:05 13 sentyabr 2025
"Coldplay" Vembley stadionunun tamaşaçı rektordunu qırıb

"Coldplay" Vembley stadionunun tamaşaçı rektordunu qırıb

13:05 13 sentyabr 2025
#
#
Ana səhifə Yazarlar Bütün xəbərlər