Afrika ölkəsi olan Svazilandda HİV virusunun qarşısını almaq üçün bakirə və gənc qızlara aylıq 200 Ruanda frankı (15 AZN) müavinət verilməsi nəzərdə tutulur. Kulis-in xarici mətbuata istinadən verdiyi məlumata görə bu müavinətləri Dünya Bankı maliyyələşdirəcək.

Bəziləri isə bu müavinət sisteminin arxasında Kralın seçəcəyi bakirələrin sayını artırmaq olduğunu düşünür.

Mətbuata danışan həkim Tahsayl Dlamini bu müavinətin fahişəliyin qarşısını alacağını bildirib.

Hər il Umhlanqa adlanan şənliklərdə ölkə bakirələrindən özünə arvad seçən və hal-hazırda 15 arvadı olan Svaziland kralı III Msvatinin yeni sistemi ölkədə bakirələrin sayını artırmaq və gələcək gəlinlərinin sağlamlığını təminat altına almaq üçün işə saldığı deyilir.

Bakirəlik müavinətini alacaq qadınların hansı müddətdən bir bəkarət testindən keçiriləcəyi isə açıqlanmır.

Svazilandlı qadınlar müavinətin fahişəliyin qarşısını ala bilməyəcəyini güman edirlər.

Svazilandda əhalinin üçdə biri gündəlik 75 qəpiklə dolanır.

1.4 milyon əhalisi olan Svazilandda 200 min HİV xəstəsi var.

İngiltərənin “Deyli Meyl” qəzetinə danışan 17 yaşlı Tandai Tfvala bir qadının cinsi əlaqə zamanı müavinət qədər, yəni 15 manat pul qazana bildiyini deyib: “Bu gedişlə kral gəlinləri Keyp Taunda seçər”.

• Rus alimlərin “top-tüfəng”lə hücum etdiyi kitab - Məşhur şairi Türkiyədə niyə siyahıdan çıxardılar?
• “Mənimki keçib, harda qırılar, qırılar...” – Məşhur rejissoru kinodan kimlər küsdürdü?
• Gələcəyin xəritəsini çəkən filosof - O, KQB agenti idi?