Namiq Ağayevin “Ol” filminin tizeri yayımlanıb

Media

Ana səhifə
Media

Namiq Ağayevin “Ol” filminin tizeri yayımlanıb - VİDEO

<b>Namiq Ağayevin “Ol” filminin tizeri yayımlanıb</b> - <span style="color:red;">VİDEO

14 mart 2018

13:20

Rejissor, aktyor Namiq Ağayevin bir il əvvəl çəkilişlərini bitirdiyi “Ol” filminin ilk rəsmi treyleri yayılıb.

Kulis.az-ın rejissordan aldığı məlumata görə, filmin premyerasının yaxın aylar ərzində keçirilməsi planlaşdırılır.

Run film, Turan film, Play company-nin iştirakı ilə çəkilən filmdə əsas rollarda Namiq Ağayev, Fikrət Məmmədov, Salman Tuncar, Vüsalə Ağayeva, Svetlana Həşimova çəkilib. Filmin quruluşçu operatoru Ramin Asimoğludur.

Rejissor filmi janrların sərhəddində çəkdiyini, onu hansısa bir konkret janra aid etmədiyini bildirir: “Mən darıxdırıcı arthaus kinosu ilə şıt kommersiya komediyasını sintez etmişəm, darıxdırıcı və şit olmayan arthaus çəkmişəm. Mənim fikrimcə kino darıxdırıcı olmamalı, hamıya anlaşılan olmalıdır. Çünki kino kütləvi sənətdir. Amma bununla belə “Ol” müəllif kinosudur”.

Filmin süjet xətti uğursuzluğun addımbaddım izlədiyi iki qardaşın üzərində qurulub. Onlardan biri kino sahəsində öz uğursuzluqlarını davam etdirir. Bədbinliyə qapıldıqları bir zamanda Eliza Dulitla bənzəyən gözəl qızla tanış olurlar. Qadın onlar üçün böyük ümid olur.