Qazaxıstan Prezident Administrasiyası rəhbərinin birinci müavini Marat Tajin Azərbaycan Yazıçılar Birliyinin sədri, xalq yazıçısı Anarla görüşüb.

Bu barədə APA-ya Birliyin mətbuat katibi Xəyal Rza məlumat verib.

Onun sözlərinə görə, Anar I Asiya Yazıçılar Forumunda çıxış edib: “Çıxış zamanı Qazaxstanın prezidenti Qasım-Comərd Tokayev də ordaydı. Anar müəllim Forumda çox gözəl təkliflərlə çıxış elədi. Onun çıxışı hamı tərəfindən, o cümlədən president Tokayev tərəfindən çox yüksək qiymətləndirildi. Buna görə də Forumun ikinci günü Qazaxıstan Prezident Administrasiyası rəhbərinin birinci müavini Marat Tajin Anar və bir qrup başqa yazıçı ilə görüşdü”.

X.Rza I Asiya Yazıçılar Forumu haqqında da danışıb: “Forumun məqsədi Nobel mükafatına alternativ sayılacaq “Böyük Asiya” mükafatını təsis etməkdir. Mükafatın məbləği 1 milyon dollar olacaq. Qazaxstan dövləti bunu öz ölkələrini Asiyanın mədəni, ədəbi mərkəzinə çevirmək məqsədi ilə təsis edir. Yəqin ki, forumun işi yekunlaşandan sonra mükafat təsis olunacaq”.

Qeyd edək ki, sentyabrın 4-də Qazaxıstanın paytaxtı Nur-Sultan şəhərində I Asiya Yazıçılar Forumu işə başlayıb. Azərbaycandan Forumda Yazıçılar Birliyinin sədri Anar Rzayev, qurumun mətbuat katibi Xəyal Rza iştirak edir.

Forumun işi bu gün başa çatır.

• Məşhur filmin davamı çəkiləcək
• “Yeddi oğul istərəm”in Cəlalı haqqında bilmədiklərimiz
• Mehriban Zəki: "Azər Paşa Nemətov 7 il məni səhnəyə qoymadı...”