Böyük rus yazıçısı Lev Tolstoyun ata-baba mülkü dünyanın müxtəlif ölkələrindən gələn yüzlərlə qonağın görüş yerinə çevrilib. Qurultaya toplaşan ruslar, fransızlar, almanlar, çexlər, belçikalılar, danimarkalılar və uruqvaylılar ya birbaşa “Hərb və sülh” romanının müəllifinin nəslinin, ya da Tolstoyların qollu-budaqlı nəsil şəcərəsinin digər şaxələrinin nümayəndələridir.
Qurultay iştirakçıları üçün zəngin mədəni proqram tərtib edilib.
Bu böyük ailənin nümayəndələrinin görüşü soy-kök ənənələrinin əhəmiyyəti və qohumluq əlaqələrinin qorunub saxlanılması örnəyidir. Çoxsaylı qohumlar forum çərçivəsində Tolstoylar sülaləsinin tarixi və bu ailənin ən tanınmış nümayəndəsi Lev Tolstoyun yaradıcılığı ilə tanış olacaqlar.
Qonaqlar ustad dərslərində, mühazirələrdə, Turgenevo malikanəsində festivalda iştirak edəcəklər.
Qurultayın birinci günü qonaqlar Yasnaya Polyanaya ekskursiya edərək, böyük əcdadın xatirəsini anacaq, məzarı üstünə gül-çiçək dəstələri qoyacaqlar.
İyulun 18-də start götürən forum iyulun 22-də başa çatacaq./azertag.az/
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər