Bu cür yaşasanız planetimizi xilas edərsiniz - 10 qayda

Bu cür yaşasanız planetimizi xilas edərsiniz - <span style="color:red;">10 qayda
25 fevral 2019
# 14:36

Qlobal iqlim dəyişikliyi planetimizin yaxın gələcəyinin təhlükə altına qoyub. Bu gedişlə nələr ola bilər, az-çox təsəvvür yaranıb. Bu gün planetin hər sakininin çiyninə məsuliyyət düşür. İş ondadır ki, dünyanı filmlərdəki kimi hansısa superqəhrəman yox, biz xilas etməliyik.

“Biz nə edə bilərik?” deyirsinizsə...

1. Lampaları dəyişdirin

Gözəl, böyük bir çılçıraq aldınızmı? Onu effektiv elektrik lampaları ilə işlədin. Bunun üçün xüsusi axtarış lazım deyil. "Led işıqlar" dediyimiz diod lampaları 90 faiz daha az elektrik sərf edir.

2. Paltarları zivədən asın

Paltarları paltarqurudan maşında deyil, asaraq qurudun. Bizim kimi günəşli ölkələr üçün bu problem deyil. Bəlkə hətta paltarqurutma maşını problemdir, nəinki zivə...

3. Mümkün olanları təkrar emala verin

Təkrar emal bütün dünyada minlərlə adam üçün normal davranışa çevrilib. Bu da planeti qurtarmağın yollarından biridir. Təəssüf ki, hələ bu azdır.

4. Paltarları soyuq suyla yuyun.

Beləliklə siz su isidici istifadə etməyəcək və deməli, qaz buxarının yaranmasının qarşısını alacaqsınız.

5. Hibrid avtomobildən istifadə edə bilərsiz.

Avtomobildən tamamən imtina edənədək elektriklə işləyən Hibrid avtomobillərdən yararlanın. Amma yenə də düşünün. Çünki, avtomoibilə lazım olan elektrik çirkli qaz yanacaqlarından alınır.

6. Vegeterian pəhrizi ilə qidalanın

Mal əti istehsalı dünya miqyasında tropik meşələrin qırılmasına ən böyük səbəblərindən biridir. İkinci yerdə soya istehsalı gəlir. Soya heyvanları yemləmək üçün istehsal olunur. Ətlə qidalanarkən ayrılan karbon vegetarian qidalanmasına nisbətən iki dəfədən çoxdur.

7. Yaşıl enerji alın

Yenilənən enerji son zamanlarda populyarlaşdı, lakin hələ də kömür kimi qazıntı yanacaqlardan asılıyıq. Almaniya kimi ölkələrdə öz enerji təminatçınızı özünüz seçə bilərsiniz. Bəziləri yenilənə bilən enerjilərdən istifadəni seçir.

8. Atlantik üzərindən bir uçuşunuzu ləğv edə bilərsiniz

İqlim dəyişikliyinə qarşı mübarizədə hava nəqliyyatı böyük bir problemdir. Siyasətçilər uçuşların iqlimə təsirini azaltmaq yollarını axtarırlar. Siz nə edə bilərsiz? Birr təyyarə bileti almadan əvvəl iki dəfə düşünməyə başlaya bilərsiniz. Xüsusilə Trans-Atlantik uçuşlarını.

9. Avtomobildən imtina edin

Avtomobildən tamamən imtina nəinki planeti xilas etməkdir, həm də sizin özünüzə faydalıdır. Məsələn, velosipedlə siz formada qalmış olacaqsınız.

10. Dünyaya çox uşaq gətirməyin

Araşdırmalara görə, sənaye ölkələrindəki hər doğum sayı istehlakçı sayını artırmaq deməkdir və planetə edilən ən böyük pislikdir. Doğulacaq uşaq sayının birini ixtisara salmaqla yuxarıdakı 9 qaydaya riayət etsəniz uşaqlarınız daha gözəl bir dünyada yaşayar.

# 5547 dəfə oxunub

Oxşar xəbərlər

Rusiyalı model vəfat etdi

Rusiyalı model vəfat etdi

18:43 17 noyabr 2026
Göbəklitəpənin tarixi mirasını miqrant uşaqların taleyi ilə birləşdirən film təqdim olundu

Göbəklitəpənin tarixi mirasını miqrant uşaqların taleyi ilə birləşdirən film təqdim olundu

18:02 17 noyabr 2026
Tural Turan beynəlxalq mükafata layiq görüldü

Tural Turan beynəlxalq mükafata layiq görüldü

17:32 17 noyabr 2026
Gənc aktrisa vəfat etdi

Gənc aktrisa vəfat etdi

17:14 17 noyabr 2026
Klimtin əsəri hərraca çıxarılır - 80 milyon dollara

Klimtin əsəri hərraca çıxarılır - 80 milyon dollara

16:39 17 noyabr 2026
"İndiki övladlar valideynlərinə bankomat kimi baxırlar" - Seyran Səxavətlə müsahibə

"İndiki övladlar valideynlərinə bankomat kimi baxırlar" - Seyran Səxavətlə müsahibə

16:22 17 noyabr 2026
Ana səhifə Reels Yazarlar Xəbərlər