Kulis.az gənc yazıçı Ayxan Ayvazın məşhur yazıçı Marsel Prustun suallarına verdiyi cavabları təqdim edir.

- Sizi ən çox nə həyəcanlandıra bilər?

- Qatar səsi məni çox həyəcanlandırır. Hər dəfə qatar səsi eşidəndə ürəyimin yerindən çıxacağını düşünürəm. Bir də sevişmədən öncə bu həyəcan baş verir. (gülür)

- Harada yaşamaq istərdiniz?

- İtaliya. Ən sevdiyim ölkədi. Filmi Antonioniyə, futbolu Tottiyə görə sevmişəm. Mənə elə gəlir ki, İtaliyanın üzərindəki səma da sənət əsəridir.

- Yaşaya biləcəyiniz ən xoşbəxt an hansıdır?

- Yazdığım anlar. O anları dünyanın heç bir həzzinə dəyişmərəm.

- Hansı səhvləri gülərüzlə qarşılaya bilərsiniz?

- O səhvləri ki, onları mən edəndə qarşımdakı da gülümsəyə bilsin.

- Ən sevdiyiniz kişi obrazı hansıdır?

- Kişilər çox mənasızdır. Kaş qadın doğulardım. (gülür.)

- Ən sevdiyiniz qadın obrazı hansıdır?

- Çoxdur. Esmeralda, Anna Karenina, Nastasiyya Flippovna, Fosforlu Cevriyə…

- Qəhrəmanınız kimdir?

- Bacım.

- Real həyatdakı sevimli qadın qəhrəmanınız kimdir?

- Sevdiyim qadın.

- Ən sevdiyiniz rəssam kimdir?

- Van Qoq.

- Ən sevdiyiniz musiqiçi kimdir?

- Motsart

- Kişidə ən sevdiyiniz xüsusiyyət hansıdır?

- Mərdlik

- Qadında ən sevdiyiniz xüsusiyyət hansıdır?

- Dözümlülük

- Ən sevdiyiniz məziyyət hansıdır?

- Heç vaxt ümiddən düşmədim.

- Sizi ən çox xoşbəxt edən iş nədir?

- Yazmaq və oxumaq

- Kimin yerində olmaq istərdiniz?

- Öz yerim yaxşıdır.

- Dostlarınızda hansı xüsusiyyətlərin olmağını istərdiniz?

- Sadiqlik. Necə ki sadiq olur ağaclar bitdiyi yerə.

- Ən başlıca çatışmazlığınız nədir?

- Dəxlisiz yerə mübahisə eləməyim. Çox mənasız oluram onda. Dirəşmək sevmədiyim şeydir, amma hərdən özüm də edirəm. Bu Don Kixotun yel dəyirmanı ilə döyüşməsindən də axmaq işdir.

- Pis cəhətiniz nədir?

- Hansını deyim? Birdimi, beşdimi? Amma özüm deməyim, onu başqaları desin. Mən bir az eqoistəm.

- Ən sevdiyiniz rəng hansıdır?

- Sarı

- Ən sevdiyiniz çiçək hansıdır?

- Çobanyastığı çiçəyi

- Ən sevdiyiniz quş hansıdır?

- Qağayı.

- Ən sevdiyiniz yazıçı kimdir?

- Kafka.

- Ən sevdiyiniz şair kimdir?

- Nazim Hikmət.

- Tarixdə ən sevmədiyiniz obraz hansıdır?

- Hitler.

- Ən çox xoşladığınız xüsusiyyət hansıdır?

- Pozitiv olmaq.

- Necə ölmək istərdiniz?

- Yuxularımda həmişə maşına çırpılıb ölürəm. Bir güllə ilə ölmək istərdim.

- Həyat fəlsəfənizi hansı şüar ifadə edir?

- “Yaşadığım bütün faciələr ədəbiyyat olacaq”.

- Hal-hazırkı əhvalınız (ovqatınız) necədir?

- Yorğun və kədərli./prust.gq/

• Kişi istəklərinin onda müti quluydum... - Boris Pasternak
• "Türk Dünyası Həftəsi" çərçivəsində Ağdam və Şuşada tədbirlər keçiriləcək
• Oskar mükafatlı tanınmış aktyordan Trampa sərt tənqid