Kulis.Az ofisdə işləyən 22 tipi təqdim edir.

Xeyrə-şərə yarayanlar – Onlar sevimli tiplərdir. Ad günləri, bayramlarda yığıncaq təşkil eləməkdə Nobel mükafatı ala bilərlər. Yenə o kafelər olardı, yenə yığışaraq biz...

Qaradinməzlər – Dindirməsən dinməzlər, heç bir qrupa qarışmazlar, iş saatlarını sakit keçirər, nahar fasiləsində heç kimlə danışmazlar. Onlar tənhalığı sevərlər.

Dedi-qoduçular – Kim işə gec gəldi, kim kimə nə söz dedi. Ürəklərini boşaltmasalar rahat işləyə bilməzlər.

Çuğul – Təhlükəlidirlər, üzərlərinə “Danger” yazılıb. Yaxınlaşmayın, ehtiyatlı olun.

Yola verənlər – Onları düşündürən əsas sual budur: “Nə edək ki, iş vaxtını boşa keçirək?”

Kiminsə qohumu – Adı var, özü yox. Onların işini də bir başqası görər.

Boşboğazlar – Hamı başını aşağı salıb işini görən vaxt gəlib lazımsız mövzular açıb saatlara danışmağı sevərlər.

Mutsuz – Heç nə yaxşı olmayacaq. Hər yer kədərə bürünüb. Bu iş də, iş yoldaşları da insanı sevindirməyə bəs eləmir.

Mənasızcasına şənlər – Nahar vaxtı gəlir, sevinərlər. Maaş verilir, sevinərlər. Kiminsə nişan şokoladı gəlir, sevinərlər. Onlar hər şeyə sevinərlər.

Telefonu otaqda qoyub çölə çıxanlar – Bu telefonu kim götürəcək? Doğmamı olacaq, yadmı olacaq?

İşə gecikənlər – Qatara çata bilməyib, yuxudan gec durub. Həmişə içində bir bəhanə ilə işə tələsər.

Daim icazə istəyənlər – Yas düşüb, orda iştirak etməlidir. Bir tədbir var, mütləq getməlidir. Onların icazəsiz bir günü yox, bir saatı keçməz.

Evi işə gətirənlər – İş yeri onun gözündə həmişə doğmadır. Yoldaşlarını da evə gələn qonaqlar kimi qarşılayır.

Diyet saxlayanlar – Hamı yağlı yeməklər yeyərkən o kədərlə kartof soyutmasını qarşısına qoyub dərindən köks ötürər.

Müti – İş saatı bir saat artırılır, hamı narazıdır, o isə xoş xəbər kimi qarşılayar bunu. Maaşlar azalıbsa yəqin bir problem var. İş yoldaşları müdirin gözünə görünmək istəməz, o isə elə hey işgüzar görünüşlə müdirin hüzuruna çıxar.

İş vaxtını Facebookda keçirənlər – Vaxt keçmir, bekarçılıqdır, heç kim iş tapşırmır. Çarə Facebookdur.

Aşiq tiplər – Birlikdə nahara gedərlər, qabları birlikdə yuyarlar, çaylarını birlikdə içərlər. Onlar iş yerini aşiqlər şəhərinə çevirərlər.

Öz otağından çox başqa otaqlarda gəzənlər – Niyyətləri pis deyil, heç kimi işindən eləmək istəməzlər. Sadəcə o qədər səmimi, o qədər sosialdırlar ki, yalnız öz otaqlarındakı iş yoldaşları ilə kifayətlənməzlər.

Qıcıq – Onlar hər yerdə var. Qabağına çıxdı, yolunu dəyiş.

Plan quranlar – Axşam işdən çıxanda harda oturacağıq? Maaş gələndə bir qonaqlıq təşkil etməli...

Hər şeyi bilənlər – Dişin ağrıyır, imdadına çatır. Hansısa işini aşırmaq istəyirsən, məsləhətlər verir. Onların bilmədiyi şeyə qurd düşər.

Qarabəxt – Müdirin gözünə girənlər. Həmişə danlanmaq onların payına düşər.

• “Hacı Qara” tamaşasının premyerası olacaq
• Nasistlərin oğurladığı tarixi rəsm əsəri zibillikdən tapıldı
• Londondakı qalereyadan Çörçillə aid qalmaqallı videoinstalyasiya yığışdırıldı