Azərbaycan Respublikasının Prezidenti yanında Bilik Fondu Xaçmazda “Kitabi-Dədə Qorqud” dastanı haqqında inşa müsabiqəsi keçirib. Fonddan APA-ya verilən məlumata görə, Xaçmaz rayon Təhsil Şöbəsinin dəstək verdiyi müsabiqəyə müxtəlif məktəblərdə təhsil alan şagirdlər qatılıb.

Onların “Kitabi Dədə Qorqud” dastanı haqqında yazdığı inşalar Bilik Fondunun təklifi ilə formalaşan münsiflər heyəti tərəfindən yoxlanıb. Qaliblərə təşəkkürnamələr, qiymətli hədiyyələr, fərqlənən bütün iştirakçılara isə kitablar hədiyyə olunub.

Bilik Fondunun mətbuat katibi Ceyhun Musaoğlunun dəvət aldığı tədbirdə rayon təhsil şöbəsinin metodisti İmran Müseyibli də iştirak edib. Müəllim və şagirdlərin, rayon ziyalılarının qarşısında çıxış edən C.Musaoğlu Bilik Fondunun yaranması, fəaliyyəti, əsasən də prezident İlham Əliyevin sərəncamından irəli gələrək “Kitabi-Dədə Qorqud və Henrix Fridrix fon Dits-200” çərçivəsində görülən işlər barəsində geniş məlumat verib.

Fonddan əlavə ediblər ki, dövlət müşaviri Kamal Abdullayevin ideyası əsasında Bilik Fondunun, Bakı Beynəlxalq Multikulturalizm Mərkəzinin, Yaradıcılıq Fondunun birgə layihəsi olan “Ev kitabxanası” ilk olaraq Xaçmaz məktəbliləri üçün tətbiq edilib. Müsabiqənin qalibləri mükafatlandırılmaqla yanaşı, “Ev kitabxanası”na daxil olan üç yazarın -Aydın Talıbzadənin, Qan Turalının, Şəhriyar del Geraninin kitablarına sahib olublar.

Qeyd edək ki, “Ev kitabxanası” üç qurum tərəfindən alınan kitablar əsasında formalaşacaq. Bu kitablar məktəblilərin kitabxanalarının yaradılmasına, yazarların oxunmasına və əsərlərin daha geniş oxucu kütləsinə ünvanlanmasına xidmət edir.

• Vestminster abbatlığındakı sirr: qədim Roma tabutunda orta əsr din xadimi dəfn edilibmiş
• Almaz Ələsgərli: "Həyat yoldaşım sənətdə nəsə etməyimə imkan vermədi" - Müsahibə
• Fələstin dəstəkçisi yazıçı Salli Runi kitablarını Britaniyaya göndərməyəcək