İyunun 21-də Beynəlxalq Muğam Mərkəzində məşhur meksikalı musiqiçilər - Xavyer Nandayapa və Mirna Yamın konserti təşkil olunub.
Konsert Meksikanın ölkəmizdəki səfirliyi, Beynəlxalq Muğam Mərkəzi, “Landmark” oteli və “Türk Hava Yolları”nın birgə təşkilatçılığı ilə reallaşıb.
Konsertdən əvvəl Meksikanın ölkəmizdəki səfiri Rodriqo Labardini çıxış edərək musiqili gecənin Xavyer Nandayapanın 30 illik səhnə fəaliyyətinə həsr olunduğunu söyləyib. İstedadlı musiqiçinin yaradıcılığını yüksək qiymətləndirən səfir qeyd edib ki, 1989-cu ildə “Marımba Nandayapa” qrupu ilə musiqi fəaliyyətinə başlayan Xavyer dünyanın bir sıra ölkələrinə səfər edərək solo ifa edib. İyirmi ildən artıq o, gənc marimba ifaçıları üçün ustad kursları keçib. Xavyer Nandayapa 2011-ci ildən Tabasko ştatı marimba ifaçılarının beynəlxalq festivalının bədii rəhbəridir.
Meksikanın zəngin mədəni irsindən bəhs edən səfir deyib ki, bu ölkənin qədim musiqi aləti olan marimba ksilofona bənzəyən zərb alətidir. Marimbada həm bayram və şənlik, həm də klassik konsert musiqisi ifa olunur. /azertag.az/
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər