Gənc Tamaşaçılar Teatrı Yeni il ərəfəsində uşaqlara maraqlı tamaşalar proqramı hazırlayıb.

Teatrdan kulis.az-a verilən xəbərə görə, Yeni ilin ilk günlərində teatr Sten Linin “Hörümçək adam “ tamaşasını tam fərqli formatda təqdim edəcək.

Tamaşanın quruluşçu rejissoru Elşad Rəhimzadə, quruluşçu rəssamı Elşən Sərxanoğlu, səhnə plastikası Ceyhun Dadaşov, musiqi tərtibatı İradə Muradova, tryukların quruluşu İsa Əsədova məxsusdur. Yeni səhnə əsərində əsas obrazları teatrın istedadlı aktyorlarından Əməkdar artistlər Almaz Mustafayeva, Vahid Əliyev, Nofəl Vəliyev, aktyorlar Günel Məmmədova, Zemfira Əbdülsəmədova, Mehriban Hüseynova, Səbinə Məmmədova, Nuranə Hüseynova, Nuriyyə Əliyeva, Asya Atakişiyeva, Zümrüd Quliyeva, Xəyalə Meydanova, Könül Əbilova, Elnur Hüseynov, İradə Rəşidova, İlham Əsədov, Natiq Fərzəliyev, Anar Səfiyev və başqaları ifa edəcəklər.

Tamaşanın premyerası bu ilin dekabr ayının 28-də saat 12:00, 14:00, 16:00- da baş tutacaq. Yeni il proqramı 28 dekabr - 7 yanvar tarixlərinədək davam edəcək.

• Məşhur aktyorun həyat yoldaşı vəfat edib
• 700 layihə arasından seçilmiş - "Kür"
• Azərbaycan rejissorunun filmləri İsraildə