Alpay Azərdən Elçinə AÇIQ MƏKTUB

Media

Ana səhifə
Media

Alpay Azərdən Elçinə AÇIQ MƏKTUB

Alpay Azərdən Elçinə <span style="color:red;">AÇIQ MƏKTUB

26 oktyabr 2016

11:00

Kulis.az Alpay Azərin Elçinə açıq məktubunu təqdim edir.

Azərbaycan Respublikası,

Baş Nazirinin müavini

Elçin Əfəndiyevə

Hörmətli Elçin müəllim,

Yəqin, mətbuatdan da məlumatınız var ki, şair, yazıçı və tərcüməçi Kənan Hacı uzun müddətdir Hepatit C xəstəliyindən əziyyət çəkir. Bakıda və təkrar Türkiyədə aparılan müayinələr nəticəsində məlum olmuşdur ki, bu xəstəliyin müalicəsi üçün onun İsrail istehsalı olan bahalı dərmanlarla bir yerdə təxminən 40 min dollar civarında maliyyə yardımına ehtiyacı var. Məsələ burasındadır ki, Kənan Hacının Hepatit C xəstəliyini elə də bahalı olmayan Misir istehsalı olan dərmanlarla da müalicə etmək mümkündür. Bu müalicə kursunun müayinələr daxil, nisbətən ucuz dərmanlarla bir yerdə qiyməti təxminən 5-6 min dollar civarında edir.

Sizin Azərbaycan hökumətində tutduğunuz vəzifəni nəzərə alaraq, Kənan Hacının heç olmasa, bahalı olmayan kursla müalicə olunmasına dəstək olmanızı xahiş edirəm.

P.S. Düzü, bu məktubu yazanda, çox istədim, təsirli alınsın, bəlkə də o cür alınmayıb, amma ümid edirəm ki, bu məktubla dövlət səviyyəsində Kənan Hacıya olan qayğıya səbəb ola biləcəm.

Hörmətlə,

Alpay Azər

26.10.16