Eyni işi gördüyü halda qadınların kişilərdən daha az pul qazanmağına etiraz edən Patrisiya Arquette və Meril Stripə Salma Hayek də qoşulub. Kulisin Radikal.com.tr-ə istinadən verdiyi xəbərə görə, Kann festivalında Qızıl palma budağı uğrunda müsabiqəyə çəkildiyi “Nağıllar nağılı” filmi ilə qatılan Salma Hayek kino sənayesində qadınların həmişə ikinci plana atılmasını tənqid edib.
O, deyib ki, qadınlar porno və moda sənayesindən başqa sahələrdə kişilərlə ayaqlaşa bilmir: “Yalnız bu sahələrdə daha çox pul qazanırlar. Rüsvayçılıqdır. Pul hər şeyi idarə edir. Bəs biz nə edə bilərik? Həm pul qazandıran, həm də qadından sui-istifadə etməyən filmlər çəkə biləcəyimizi göstərə bilərik! Göstərməliyik!”
“Bəs bu yorucu olmazmı?” sualına Hayek: “Həm də necə, yaxşı bir ssenari tapana qədər insan o qədər çox oxuyur, pul tapana qədər insan o qədər qapı döyür ki, işə başlayanda artıq halı qalmır, amma olsun, biz qadınlar həmişə mübarizə etmişik, etməyə də davam edəcəyik”,- deyə cavab verib.
O, kino sənayesinin qadınlara cinsi ayrı-seçkiliklə yanaşdığını söyləyərək: “Bizi maliyyə gücü olaraq görməmək böyük cahillikdir”,-deyib. Hayek qadın rejissorların azlığından da şikayətlənərib: “Bizi sadəcə romantik komediya sevər kimi tanımağın bir məntiqi yoxdur. Kinoda ağıllı hekayələr dinləmək istəyirik. Bizi gerçəkdən anlayan, hiss edən hekayələr istəyirik. Qadın rejissor da azdır”.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər