Lüdmila Duxovnayaya “Şöhrət” ordeni təqdim edilib

Lüdmila Duxovnayaya “Şöhrət” ordeni təqdim edilib
31 oktyabr 2019
# 14:50

Oktyabrın 30-da Azərbaycan Dövlət Akademik Rus Teatrında kiçik tamaşa salonunun açılışı keçirilib.

APA-nın məlumatına görə, mərasimdə Mədəniyyət naziri Əbülfəs Qarayev, tanınmış incəsənət xadimləri, Rusiya Federasiyasının ölkəmizdəki səfiri Mixail Boçarnikov iştirak edib.

Açılış münasibətilə görkəmli aktrisa, respublikanın Xalq artisti Lüdmila Duxovnayanın iştirakı ilə “Gecəki qadın” monotamaşası nümayiş olunub.

Tamaşadan öncə çıxış edən teatrın baş rejissoru, Xalq artisti Aleksandr Şarovski bildirib ki, belə yığcam, tamaşaçı ilə aktyorun çox məhrəm ünsiyyətdə olduğu kiçik səhnəyə bütün teatrlarda ehtiyac var: “O ki qaldı tamaşaya, mən bu tamaşa üzərində zövq alaraq işlədim. Əminəm ki, seyrçilər də həm mətndən, həm də Lüdmila Semyonovnanın peşəkarlığı, istedadı və məsuliyyətini bir araya gətirərək yaratdığı qadın obrazından zövq alacaqlar”.

Əməkdar mədəniyyət işçisi Valentina Reznikovanın tərtib etdiyi poetik tamaşada Vilyam Şekspirin sonetləri və rus poeziyasının ən məşhur isimlərindən – Aleksandr Vertinski, Vladimir Mayakovski, Yevgeni Yevtuşenko, Marina Svetayeva, Anna Axmatova,Tatyana Bek, Andrey Voznesenski, Olqa Aqur və Sergey Markovun qadın qəlbinin dərinliklərini və gözəlliklərini əks etdirən şeirləri məntiqi ardıcıllıqla düzülərək vahid kompozisiya kimi qurulub. Tamaşanın quruluşçu rejissoru Xalq artisti Aleksandr Şarovski, dekorasiya üzrə, geyim üzrə rəssamları və musiqi tərtibatçısı Aleksandr Fyodorov, Olqa Abbasova və Vladimir Neverovdur.

Tamaşadan sonra Mədəniyyət naziri Əbülfəs Qarayev çıxış edib: “Belə poetik tamaşadan sonra çıxış etmək, söz demək çətindir. Lüdmila xanımın gözəl və fərqli obrazlar yaratdığı bu tamaşanı yalnız “Hülya-həzrət Qadın” adlandırmaq olar. Yəqin bu gün mənim həm də çox mühüm və məsul tapşırığı yerinə yetirmək üçün burada olmağım da bir qanunauyğunluqdur. Yeni teatr-tamaşa məkanının açılışı, açılış günündə böyük və şərəfli yaradıcılıq yolu keçmiş və bu yolda uğurla davam edən görkəmli aktrisanın öz yubileyi münasibətilə monotamaşa oynadığı gündə ona Azərbaycan Prezidentinin sərəncamı ilə təltif edildiyi “Şöhrət” ordenini təqdim edirəm”.

Sonra nazir ordeni sənətkara təqdim edib.

Xalq artisti Lüdmila Duxovnaya əməyinə verilən bu yüksək qiymətə görə dövlət başçısına minnətdarlığını bildirib.

# 1765 dəfə oxunub

Oxşar xəbərlər

Orxan Pamuk yeni romanını yekunlaşdırmaq üzrədir

Orxan Pamuk yeni romanını yekunlaşdırmaq üzrədir

14:05 13 sentyabr 2025
"Coldplay" Vembley stadionunun tamaşaçı rektordunu qırıb

"Coldplay" Vembley stadionunun tamaşaçı rektordunu qırıb

13:05 13 sentyabr 2025
Xalq artisti Hacı Murad Yagizarov vəfat edib

Xalq artisti Hacı Murad Yagizarov vəfat edib

12:48 13 sentyabr 2025
Hollandiya Avroviziya 2026 Mahnı Müsabiqəsini boykot edib

Hollandiya Avroviziya 2026 Mahnı Müsabiqəsini boykot edib

12:05 13 sentyabr 2025
Mircəfər Bağırovun xəstə sevgisi - Xədicə Qayıbova ona niyə sillə vurmuşdu?

Mircəfər Bağırovun xəstə sevgisi - Xədicə Qayıbova ona niyə sillə vurmuşdu?

12:00 13 sentyabr 2025
Parlamentin Mədəniyyət komitəsinin payız sessiyası üçün iş planı təsdiqlənib

Parlamentin Mədəniyyət komitəsinin payız sessiyası üçün iş planı təsdiqlənib

11:00 13 sentyabr 2025
Ana səhifə Yazarlar Bütün xəbərlər