Tanınmış prodüser Tarix Əliyev Lent.Az-ın Facebook səhifəsinin canlı yayımında qonaq olub. Canlı yayımda bir çox suallara cavab verən prodüser yazıçı Seymur Baycanın ona ünvanladığı açıq məktuba da münasibət bildirib. O, S.Baycanın yazdığından heç nə anlamadığını deyib:

“Seymur Baycanın məktubunu iki dəfə oxudum, heç nə anlamadım. Görünür, Seymur Baycan mənə məktubu ona görə ünvanlayıb ki, qızım sənə deyirəm, gəlinim sən eşit. Yəni mənə dediklərini başqa adamlara bildirib. Əslində mən Seymur Baycana köməklik eləmək istəyirdim. Çünki o, iki il əvvəl haqqımda yazmışdı ki, mənim yaşadığım evə bax, Tolikin yaşadığı evə. Mən onda Seymura cavab qaytarmadım. Dedim, Allah sizə bundan da gözəl ev qismət eləsin. Seymur Baycanı şəxsən tanımıram. Heç kitablarını da oxumamışam. Mənə öz kitablarını göndərsə oxuyaram. İstədim ki, ona kömək edim. Amma demişdim, onun yazdığı kitabda dövlətimizin əleyhinə bir şey olmasın. Çünki mən bu dövlətin siyasətini dəstəkləyirəm. Mən rahat yaşayıram, vergimi də verirəm. Seymura da maddi dəstək olmaq istəyirdim. Sonra onların dostları çıxdı ki, Tolik kimdir, biz özümüz Seymura kömək edərik. Amma onu deyim ki, Seymur o kitabı mənə göndərsə, səhifəmdə paylaşaram, satışı üçün dəstək olaram. İndi Gürcüstanda yaşayır bildiyim qədəri ilə. Bakıya gəlsə, şəhərin mərkəzində bir yerdə onun oxucuları ilə tədbir keçirməyinə kömək edərəm.”

• “28 il sonra” filminin aktyor heyəti açıqlandı
• "Koroğlu"nun heykəlinə görə tənqid olunan Xalq rəssamı
• Musiqili Teatr may repertuarını açıqladı