Dekabın 8-də Ankarada görkəmli türk dramaturqu Haldun Tanerin 100 illiyinə həsr olunmuş I “Beynəlxalq Səhnə Əsərləri Müsabiqəsi” qaliblərinin təqdimat mərasimi olub. Kulisin məlumatına görə müsabiqənin qalibi elan olunmuş üç əsər arasında Azərbaycan yazıçısı Afaq Məsudun “Mənsur Həllac” əsəri də yer alıb.
Mərasim Avrasiya Yazarlar Birliyinin sədri Yaqub Öməroğlunun çıxışı və Haldun Tanerin yaradıcılığına həsr olunmuş sənədli filmin nümayişi ilə başlayıb, sonra mükafatlandırma mərasimi keçirilib. Mərasimin sonunda Ankaranın “Küçük Tiyatro”sunda Haldun Tanerin “Gözlərimi kaparım, vazifemi yaparım” tamaşası göstərilib.
İlk dəfə düzənlənən beynəlxalq yarışmaya Türkiyə, İran, İraq, Liviya, Qazaxıstan, Qırğızıstan və digər 18 ölkədən qatılan əsərlərdən müsabiqəyə təqdimat şərtlərinə əməl olunmuş 109-u buraxılmış, 3 əsər qalib elan olunub.
Müsabiqə Avrasiya Yazarlar Birliyi, TÜRKSOY Uluslararası Türk Mədəniyyəti Təşkilatının və Türkiyə Mədəniyyət Nazirliyinin təşkilatçılığı ilə keçirilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər