Molla Pənah Vaqifin kitabı Astanada təqdim olunub

Molla Pənah Vaqifin kitabı Astanada təqdim olunub
27 iyun 2017
# 15:40

Astanada “Oxuyan dünyada oxuyan millət” adlı beynəlxalq simpozium çərçivəsində türkdilli dövlətlərin milli kitabxana direktorlarının V beynəlxalq konfransı keçirilir.

Qazaxıstan Milli Kitabxanasının təşkilatçılığı ilə keçirilən konfransın məqsədi türk mədəniyyətinin təbliği, türkdilli dövlətlərin milli kitabxanaları arasında dil və tarixi əsasda əməkdaşlığın inkişafı, məlumat mübadiləsi, müasir layihələrin reallaşdırılmasıdır.

Konfransda türkdilli dövlətlərin kitabxanalarının bazalarının artırılması məsələləri müzakirə edilib.

Tədbirin moderatoru M.F.Axundzadə adına Azərbaycan Milli Kitabxanasının direktoru, professor Kərim Tahirov “Azərbaycan kitabxanası bu gün” mövzusunda çıxış edib.

Konfrans çərçivəsində akademik Nizami Cəfərovun “Molla Pənah Vaqif” kitabının təqdimatı keçirilib.

Kərim Tahirov TÜRKSOY-un 2017-ci ili “Molla Pənah Vaqif ili” elan etdiyini xatırladıb.

Çıxış edən TÜRKSOY-un baş katibi, professor Düsen Kaseinov Molla Pənah Vaqifin əsərlərinin bir neçə dilə tərcümə olunması ilə bağlı işlərin aparıldığını bildirib.

Müəllif Nizami Cəfərov kitabda Molla Pənah Vaqifin həyatı, yaradıcılığı, dünyagörüşündən bəhs edildiyini söyləyib.

AMEA Milli Azərbaycan Tarixi Muzeyinin direktoru, akademik Nailə Vəlixanlı konfransda “Sosial-mədəni mühitdə tarixi muzeylərin yetişməkdə olan nəslin formalaşmasına təsiri” mövzusunda çıxış edib.

Yekunda türkdilli dövlətlərin milli kitabxana direktorlarının V beynəlxalq konfransının nizamnaməsi imzalanıb.

Qazaxıstan Mədəniyyət və İdman Nazirliyi tərəfindən M.F.Axundzadə adına Azərbaycan Milli Kitabxanasının direktoru Kərim Tahirova minnətdarlıq diplomu təqdim edilib. /azertag.az/

# 1409 dəfə oxunub

Oxşar xəbərlər

Brüs Linin Muzeyi bağlandı

Brüs Linin Muzeyi bağlandı

17:50 4 iyul 2025
Şəkidə   Beynəlxalq Musiqi Festivalı  başlanıb

Şəkidə Beynəlxalq Musiqi Festivalı başlanıb

17:42 4 iyul 2025
Bakıda inklüziv rəqs tamaşasının premyerası oldu

Bakıda inklüziv rəqs tamaşasının premyerası oldu

16:19 4 iyul 2025
Məmməd İsmayıl xəstəxanaya yerləşdirildi

Məmməd İsmayıl xəstəxanaya yerləşdirildi

15:12 4 iyul 2025
Bullinq bəlası -  “Dartma, yaxam cırıldı…” verilişləri  hansı rolu oynayır?

Bullinq bəlası - “Dartma, yaxam cırıldı…” verilişləri hansı rolu oynayır?

15:00 4 iyul 2025
Amerikalı rejissor  animasiyaya qayıdır - 13 ildən sonra

Amerikalı rejissor animasiyaya qayıdır - 13 ildən sonra

13:40 4 iyul 2025
# # #