Bolqarıstanda Cəlil Məmmədquluzadənin "Seçilmiş əsərləri”i nəşr edilib.

Kulis.az-ın verdiyi xəbərə görə, ideya müəllifi və ön söz akademik İsa Həbibbəyliyə məxsusdur.

İsa Həbibbəylinin "Cəlil Məmmədquluzadə və Azərbaycan ədəbiyyatının "Molla Nəsrəddin” dövrü” adlı öz sözündə böyük demokrat yazıçının həyatı və yaradıcılığından, mollanəsrəddinçi müasirlərinin xidmətlərindən geniş bəhs olunur. Sofiyada çap olunmuş Cəlil Məmmədquluzadənin "Seçilmiş əsərləri”nin Bolqarıstan Milli Kitabxanasında İsa Həbibbəylinin iştirakı ilə geniş təqdimatı və müzakirəsi keçirilib.

İlk dəfə bolqar dilində kitab halında çap olunan Cəlil Məmmədquluzadənin "Seçilmiş əsərləri”nin məsul redaktoru Bolqarıstan Elmlər Akademiyası Ədəbiyyat İnstitutunun direktoru, professor Elka Traykovadır. Tərcümənin redaktoru Bolqarıstan Sofiya Dövlət Universitetinin Azərbaycanşünaslıq Mərkəzinin direktoru Sofiya Şiqayeva Mitreskadır.

Əsərləri Azərbaycan dilindən bolqar dilinə Sofiya Şiqayeva Mitreska ("Poçt qutusu” və "Molla Fəzləli”), Sofiya Dövlət Universitetinin Türkologiya ixtisası üzrə təhsil alan tələbələri Aysun Yumer ("Kişmiş oyunu”), Alper Emurlov ("Usta Zeynal”), Çiydem Aliosmanova ("Saqqallı uşaq” və "Dəllək”), Liliya Yordanova ("Nigarançılıq”), Janet Nikolova ("Bəlkə də qaytardılar”) tərcümə ediblər.

• Xalq rəssamının əsərləri Parisdə
• “Zəfər dastanı: Çanaqqaladan Qarabağa” adlı qala-konsert təşkil olunacaq
• Məni başa salın, çarşab, baş örtüsü nə deməkdir? - Lalə Bağırova