Iki gün əvvəl, iyulun 13-də Azərbaycan Fotoqrafiya sənətində əvəzsiz xidmətləri olmuş, fotoqraf, professor Hüseyn Hüseynzadə vəfat edib.

Kulis. az-ın Fotoqraflar Birliyinə istinadən verdiyi xəbərə görə, 84 yaşlı Hüseyn Hüseynzadə uzun sürən xəstəlikdən dünyasını dəyişib.

H.Hüseynzadə 11 yanvar 1935-ci ildə anadan olub. Neft-kimya İnstitutunu bitirib. Hüseynzadə Azərbaycan fotoqrafiyasına fotojurnalist kimi başlamış daha sonra müstəqil fotoqraf kimi calışmışdır.H.Hüseynzadə yaradıcılığı Azərbaycandan kənarlarda keçmiş SSRİ məkanında əhatə etmişdir.

Foto sənətinə “Vışka” qəzetindən başlamışdır. “Kommunist”, “Pionerskaya Pravda”, “Komsomolskaya pravda” adlı qəzetlərdə fəaliyyətinə davam edib. “Neft gəldi” və “Qazma ustası Faiq Əliyev” adlı fotoşəkilləri 1964-cü ildə keçirilən ümumittifaq sərgidə 1-ci dərəcəli diploma layiq görülmüşdür. Hüseyn Hüseynzadənin təşəbbüsü ilə ilk dəfə milli foto tarixində “Azərbaycanın kulinariya ensiklopediyası” yaranmışdır və beləliklə Odlar Yurdunu bütün dünyaya tanıtmışdır. Professor Hüseynzadə 60-dan çox kitabın müəllifidir. Foto sənətində qazandığı nəaliyyətlər – “Press Foto-62” beynəlxalq sərgi mükafatı, Azərbaycanın “Qızıl qələm” Jurnalistlərinin İttifaqı (1967), Berlində “İnterpresfoto” sərgilərinin mükafatını qazanmışdır.

Kulis.az Hüseyn Hüseynzadənin fotoqrafiya işlərini təqdim edir.

• Ramiz Əzizbəylinin kürəkəni dələduzluqda ittiham olunur, araşdırma aparılır
• “Kəkələmə rolları"na görə truppaya qəbul edilən aktyor - Bəşirin Səfəroğlu erası necə başlamışdı?
• Orkestrin növbəti konserti Beynəlxalq Qadınlar Gününə həsr olundu