Özbəksayağı "Taxt-tac oyunları" çəkiləcək

Özbəksayağı "Taxt-tac oyunları" çəkiləcək
18 iyul 2019
# 18:29

Amerika rejissoru Ceykob Şvatrs Özbəkistanda XI-XII əsrlərdə Mərkəzi Asiya xalqlarının tarixi əsasında “Taxt-tac oyunları” üslubunda çoxseriyalı film çəkəcək.

Bunu Özbəkistan Dövlət Turizmin İnkişafı Komitəsinin mətbuat katibi Temur Mirzayev TASS agentliyinə müsahibəsində söyləyib. O deyib: “Şvartsın yaradıcı komandası ilə Özbəkistan Dövlət Turizmin İnkişafı Komitəsinin rəhbərliyi arasında bu irimiqyaslı layihənin reallaşdırılması barədə razılaşma əldə olunub”.

Onun sözlərinə görə, Dövlət Turizmin İnkişafı Komitəsinin mütəxəssisləri bu layihə üçün tərəfdaş seçərkən belə bir faktı nəzərə alıblar ki, Şvarts Mərkəzi Asiya tematikası ilə artıq tanışdır. Onun Özbəkistan haqqında çəkdiyi qısametrajlı film tamaşaçılar tərəfindən yaxşı qarşılanıb.

Tərəflər çəkilişlərin hansı regionlarda və yaşayış məntəqələrində aparılacağı barədə artıq razılıq əldə ediblər. Odur ki, amerikalı rejissorun komandası serialın ilk epizodlarının çəkilişlərinə oktyabrda başlayacaq. Film ingilisdilli olacağına görə onun çəkilişlərinə yalnız xarici aktyorlar cəlb olunacaq. Lakin perspektivdə yerli aktyor və rejissorlar da dəvət edilə bilər.

Özbəkistan Dövlət Turizmin İnkişafı Komitəsində layihənin tarixi gerçəkliyinə böyük diqqət yetirirlər. Regionun tarixi sahəsində mütəxəssis, Turizmin İnkişafı Komitəsi rəhbərinin müşaviri Bəhruz Həmzəyev məsləhətçi təyin edilib. O hesab edir ki, serialın yaradılması üçün uğurlu vaxt seçilib, çünki adətən Yunanıstan, Misir və Skandinaviya mövzularının populyar olduğu xülyalar fabrikində - Hollivudda və dünya kinematoqrafında hazırda Mərkəzi Asiya regionunun xalqlarının tarixinə maraq durmadan artır. Onun fikrincə, şübhəsiz ki, bu film xarici turistlərin Özbəkistana marağını artıracaq.

Dövlət Turizmin İnkişafı Komitəsindən bildiriblər ki, Mərkəzi Asiyanın qədim xalqları haqqında tarixi serialın yaradıcıları “Taxt-tac oyunları”nı örnək götürəcəklər. Amerika yazıçısı Corc Martinin “Buz və alovun nəğməsi” romanları əsasında fentezi janrında çəkilmiş son dərəcə populyar serialın birinci seriyasının premyerası 2011-ci ilin aprelində olub. Bu il mayın 19-da böyük müvəffəqiyyətlə serialın sonuncu seriyası nümayiş etdirilib. /azertag.az/

# 2289 dəfə oxunub

Oxşar xəbərlər

Mədəniyyət Nazirliyinin Rusiya ilə əməkdaşlığına dair saxta sənəd  yayıldı

Mədəniyyət Nazirliyinin Rusiya ilə əməkdaşlığına dair saxta sənəd yayıldı

18:46 7 iyul 2025
Peruda 3500 illik  şəhər tapıldı

Peruda 3500 illik şəhər tapıldı

18:35 7 iyul 2025
Rəşad Məcid:  "Leyla xanımın sosial şəbəkədəki bu paylaşımını görəndə..."

Rəşad Məcid: "Leyla xanımın sosial şəbəkədəki bu paylaşımını görəndə..."

17:17 7 iyul 2025
Filmlərin istehsalı üçün çəkilmiş xərclərin qismən geri ödənilməsi qaydaları müəyyənləşdi

Filmlərin istehsalı üçün çəkilmiş xərclərin qismən geri ödənilməsi qaydaları müəyyənləşdi

16:44 7 iyul 2025
Şort,  şəpik geyinənlərin girişi qadağan ediləcək  - “La Skala” teatrına...

Şort, şəpik geyinənlərin girişi qadağan ediləcək - “La Skala” teatrına...

16:39 7 iyul 2025
"Çayxanalar mənim həyatımda xüsusi rol oynayıb" - Kamal Abdulla

"Çayxanalar mənim həyatımda xüsusi rol oynayıb" - Kamal Abdulla

15:58 7 iyul 2025
# # #