Türkiyəli yazarlar Pen-Klubu Küçük İskəndərin bütün əsərlərini “Ayın kitabı” seçib.

Kulis.az türk mətbuatına istinadən xəbər verir ki, seçimin səbəbləri bu cür açıqlanıb:

"Poeziyamıza yenilik gətirən, qaldırdığı mövzuların bədii ifadəsini verən, andeqraund türk şeirinin ilk nümunələrini yaradan, insanı qorxusuz, güzəştsiz, senzurasız yazan, özündən sonra gələn nəsillərə təsir edən, yeni, fərqli şeir yolları açan, təkcə poeziyanın xarakterini deyil, mətn təcrübəmizə də nəfəs verən, onu daha yüksəklərə qaldıran, Cumhuriyyət dövrü poeziyamızın heç şübhəsiz, ən öndə gələn adlarından olan böyük şairimizin üzvümüz olmasından qürur duyduğumuzu və əziz dostumuz, qardaşımız Küçük İsgəndərin bütün yaradıcılığının yer aldığı kitabı “Ayın kitabı” seçdiyimizi elan edirik. Onun tez bir zamanda sağlamlığına qovuşmasını ürəkdən arzulayırıq. Sağ ol, Küçük İsgəndər, yaxşı ki, varsan, yaxşı ki yazırsan"!

Xatırladaq ki, bu yaxınlarda Küçük İskəndərdə xərçəng xəstəliyi aşkar edilib və bu xəbər onu sevənlər tərəfindən böyük həyəcanla qarşılanıb.

• Rövşən Rzayev vəfat etdi
• Kuryerlə ərinə xəyanət edən qadın - "Boş ev"də baş verənlər
• Potaş - Furqanın yeni hekayəsi