Gənc Tamaşaçılar teatrı həftəsonu tamaşaçılara sıx proqram tərtib edib.

Kulis.az-ın verdiyi xəbərə görə, teatr yanvarın 26-sı saat 14:00 və 16:00-da A.Şaiq və S.S.Axundovun “Qaraca qız”, yanvarın 27-də saat 12:00 və 14:00-da Y.Şvartsın “Qırmızı papaq”, yanvarın 28-i saat 12:00 və 14:00-da H.X.Andersenin “Çirkin ördək balası”, yanvarın 29-u saat 12:00 və 15:00-da ərəb xalq nağılı “Ələddinin sehirli çırağı”, yanvarın 30-da

saat 14:00-da M.F.Axundzadə “Müsyö Jordan və Dərviş Məstəli şah”, yanvarın 31-də saat 14:00-da isə V.Siqayevin “Ağ ölüm” tamaşasını təqdim edəcək.

Axşam tamaşalarına isə teatr yanvar ayının 25- də türk dünyasının ortaq qəhrəmanı “Koroğlu” dastanı əsasında hazırlanmış “Eşq-i Nigar”, yanvarın 27-si M.Füzuli “Leyli və Məcnun”, yanvarın 28-i Ə.Əmirli “Hasarın o üzü” nü nəzərdə tutur. Axşam tamaşaları saat 19:00-da nümayiş olunacaq.

Tamaşalarda rolları Xalq artistləri Nurəddin Mehdixanlı, Həmidə Ömərova, teatrın istedadlı aktyorları Əməkdar artistlər Leyli Vəliyeva, Nübar Novruzova, Qurban

İsmayılov, Vahid Əliyev, Nofəl Vəliyev, aktyorlar Manaf Dadaşov, Günel Məmmədova, Ramiq Nəsirov, İlham Əsədov, Zülfiyyə Alhüseynova, Səbinə

Məmmədova, Elşən Hacıbabayev, Anar Seyfullayev, Elnur Hüseynov, Müşfiq Əliyev, Aygün Fətullayeva, Xəyalə Meydanova və başqaları ifa edəcəklər.

Tamaşaçılar biletləri bütün mərkəzləşdirilmiş kassalardan və ASAN xidmət filiallarından əldə edə bilər.

• Xalq artistləri Özbəkistanda təltif olundu
• Filosof Ömər Aygün: "Mükəmməliyyətçilik uğursuzluğa dözümsüzlüyün və tənbəlliyin ən hiyləgər maskasıdır" - Müsahibə
• Azərbaycan əsgəri ağlaya bilərmi? - Hamını qəzəbləndirən "Kuklalar"