Yeni baletin premyerası olacaq
Azərbaycan Dövlət Akademik Opera və Balet Teatrının yaradıcı heyəti ilin ilk premyerasına hazırlaşır.
Kulis.az-ın verdiyi xəbərə görə, Qara Qarayev və Fərəc Qarayevin musiqisi əsasında səhnələşdirilən "Qoyya” birpərdəli baleti fevralın 3-də təqdim olunacaq.
Görkəmli bəstəkar Qara Qarayevin 100 illiyi çərçivəsində nümayiş olunacaq səhnə əsərində rolları Xalq Artisti Kamilla Hüseynova, Əməkdar artistlər Nigar İbrahimova və Makar Ferştandt, aparıcı solistlər Anar Mikayılov və Cəmilə Kərimova canlandıracaq.
Baletin quruluşçu xoreoqrafı Estoniyanın Əməkdar Artisti, Sankt-Peterburq "Dance Opera” balet festivalının bədii rəhbəri, UNESCO yanında Beynəlxalq Rəqs Şurasının üzvü, Beynəlxalq Marius Petipa irsi fondunun prezidenti Vasili Medvedyevdir.
Tamaşanın quruluşçu rəssamı Rusiya Rəssamlıq Akademiyasının akademiki, Rusiya Rəssamlar İttifaqının üzvü Dmitri Çerbadji, libretto müəllifi türkiyəli yazıçı Yana Temiz, xormeysteri Azərbaycanın Əməkdar İncəsənət Xadimi Sevil Hacıyevadır.
Operanı Əməkdar Artist, dirijorların beynəlxalq müsabiqələrinin laureatı Əyyub Quliyev idarə edəcək.
Oxşar xəbərlər
“Glastonbury-2027”nin əsas ifaçıları məlum oldu
17:12
19 noyabr 2026
Məşhur yazıçı vəfat etdi
16:47
19 noyabr 2026
Elton Con süni intellektə qarşı sənətçiləri müdafiə etdi: “Yaradıcılığımızı əlimizdən almayın”
16:21
19 noyabr 2026
“İvan İliçin ölümü” tamaşasının premyerası keçirildi
15:55
19 noyabr 2026
"Biz təbiəti izah edirik, insanı isə anlamağa borcluyuq..." - Alman filosofdan deyimlər
15:33
19 noyabr 2026
Futbolçunun çin çıxan yuxusu - Rafiq Ələkbərin yeni hekayəsi
15:14
19 noyabr 2026