Kişilər qadınları anlamaq probleminə lətifələrdən ciddi kitablara qədər mətnlər həsr ediblər. Oysa qadınların kişilər haqda bilməli olduğu bir şeylər var. Qadınlar kimi kişiləri də anlamaq çətin ola bilər.

Kulis.az onlardan 6 sirri təqdim edir.

Beləliklə kişilər... Tək qalmağa ehtiyac duyurlar

Kişilər daim qərar verməkdən, lider olmaqdan, təşəbbüs göstərməkdən və baş verənlərə görə məsuliyyət daşımaqdan bezə bilər. Bu zaman onlar tək qalmaq və dincəlmək istəyirlər.

Hadisələrə bütöv baxırlar

Kişilər hadisələrə ümumi yanaşıb hərəkət edirlər. Ayrıntılara, detallara fokuslanmırlar. Qadınlar isə detallara diqqət yetirdiyindən ümumi mənzərəni görə bilmirlər.

Emosional dəstəyə ehtiyacları var

Kişilər də qadınlar kimi duyğusal bağ axtarırlar. Həyat sürəti, emosional stress cinslərindən asılı olmadan insanlarda bir duyğusal bağ ehtiyacı yaradır.

Düşüncə tərzləri dəyişkəndir

Kişilər heç də həmişə məntiqlə düşünmürlər. Sizinlə birgə ikən xəyallarda aranı dağa, dağı arana köçürə bilərlər.

Gözlərini idarə edə bilmirlər

Kişilər qarşılarından keçən gözəl qadına baxmaya bilmirlər. Bu kişinin qədim bir instinktidir: qarşısından keçən qadının uşaqlarına ana olub-olmayacağını anlamaq davranışıdır.

Qorxuları var

Kişilər cəmiyyətin onlara biçdiyi "qəhrəman” obrazının qurbanlarıdır. Bəzən onlar qadınlardan da artq qorxur, əndişə keçirir və çəkinirlər.

• İlkin Dövlətovun konserti keçirildi
• "Qaraçı qızı" mozaikasının daha bir itkin parçası aşkarlandı
• Müasir dünyaya nifrət edən baron - Faşistlərin belə qorxduğu filosof kim idi?