Gənc yazıçı – publisist Amid Əlioğlunun "İntihar edənlərin qatili" romanının təqdimatı və imzalanma mərasimi keçirilib. Kulisin məlumaıtna görə "Kitabevim.az" kitab mağazasında keçirilən təqdimatda ədəbi-mədəni ictimaiyyətin nümayəndələri, ictimai təşkilatların liderləri, yazıçılar, KİV nümayəndələri, oxucular iştirak edib.
Təqdimatı telejurnalist Arzu Kəlbi açaraq qonaqları salamlayıb. İlk kitabının işıq üzü görməsi münasibətilə müəllifi təbrik edən aparıcı ona növbəti kitabının çap edilməsini arzulayıb.
YYSQ sədri, kitaba ön söz yazmış yazıçı-kulturoloq Aydın Xan Əbilov gənc yazıçının ilk kitabı haqqında fikirlərini bölüşüb. O, romanın məziyyətləri barədə geniş məlumat verərək müəllifi təbrik edib.
Kitabın redaktoru Anar Həsənli müəllifin öz kitabında hər bir oxucuya ciddi mesajlar ötürdüyünü bildirib. O, oxuculara romanı oxuduqdan sonra fikir və mülahizələrini müəllifə çatdırmağı tövsiyə edib.
Tədbirdə digər çıxış edənlər - Əkbər Qoşalı, Müqamət Əliyev, Şahin Ülvi, Aqil Camal, Namiq Məna, Nəcəf Allahverdiyev, Şahin Nəbiyev, Təranə Əhməd, Leyla Şərifova, Emin Məmmədov və başqaları çıxış edərək əsər haqqında fikirlərini qeyd ediblər, müəllif barədə ürək sözlərini söyləyiblər. Gənc yazara yeni-yeni yaradıcılıq uğurları arzulayıblar.
Sonda kitabın müəllif tərəfindən imzalama mərasimi keçirilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər