Azərbaycan Respublikasının Prezidenti yanında Gənclər Fondunun maliyyə dəstəyi ilə Sumqayıtda “Gənc Aşıq” Musiqi Festivalı keçirilib. Kulis.Azın məlumatına görə festival Nəriman Nərimanov adına mədəniyyət evində olub.
Giriş sözü ilə tədbiri açıq elan edən layihənin rəhbəri Lətafət Mürsəlova Gənclər Fonduna, eləcə də Sumqayıt Şəhər İcra Hakimiyyətinə, Mədəniyyət və Turizm İdarəsinə, Təhsil şöbəsinə layihənin reallaşmasında yardımçı olduqlarına görə minnətdarlığını bildirib. Lətafət Mürsəlova layihənin məqsədi barədə mətbuata açıqlamasında deyib ki, “festivalın məqsədi istedadlı gənc aşıqların həm üzə çıxarılması həm də onlara dəstək olmaqdır. Eyni zamanda mədəni irsimizi gənclər vasitəsilə təbliğ etmək, gənclərin asudə vaxtını səmərəli keçirilməsinə, mədəni istirahətlərinin təmin olunmasına nail olmaq idi”.
Festivalda gənc aşıq ifaçılarından Şəhriyar Kərimov, Elşən Qaraxanov, Səbuhi Məmmədov, Ceyhun Hüseynov, eləcə də aşıq Sahib İsmiyevin rəhbəri olduğu “Misri” və “Buta” qrupları, aşıq Elməddin Məmmədlinin “Pöhrə” aşıq ansamblı çıxış edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər