“Çinar” ansamblının yubileyi qeyd olunub

“Çinar” ansamblının yubileyi qeyd olunub
7 noyabr 2019
# 09:59

Dünyanın ən qədim xalqlarından olan Azərbaycan haqlı olaraq öz mədəniyyəti ilə fəxr edir. Ona şöhrət gətirən mədəniyyət nümunələrindən biri də milli rəqslərdir. 1959-cu ildə Tibb Universitetində yaradılan “Çinar” qızlar ansamblı milli mədəniyyətimizi yeni rəqs nömrələri ilə zənginləşdirib. Həmin ansambl yüksək mədəniyyətə, fitri istedada, bənzərsiz sənətkarlıq qabiliyyətinə malik Əminə Dilbazinin rəhbərliyi ilə yaradılıb. Məşhur rəqqasə ömrünün 47 ilini bu ansambla həsr edib. “Çinar” bu illər ərzində dünyanın ən müxtəlif ölkələrini dolaşıb, ən məşhur səhnələrdə çıxış edib. Universitetdə fəaliyyət göstərən ansambl bu gün də ustad sənətkarın qoyduğu ənənələri davam etdirir.

Kulis.az-ın Nazirliyin saytına istinadən verdiyi xəbərə görə, bu sözləri M.Maqomayev adına Azərbaycan Dövlət Akademik Filarmoniyasında “Çinar” rəqs ansamblının 60 illiyinə həsr olunmuş gecədə Azərbaycan Tibb Universitetinin rektoru, professor Gəray Gəraybəyli deyib.

O qeyd edib ki, 60 il ərzində universitetin mindən artıq tələbəsi ansamblın üzvü olub. Onlar həkimliklə yanaşı, rəqs sənətinin incəliklərini də dərindən öyrəniblər.

Ölkəmizin ilk qızlar ansamblı olan “Çinar”ın tarixi və keçdiyi yoldan bəhs edən süjet nümayiş olunub.

Yubiley gecəsində ayrı-ayrı vaxtlarda universitetdə fəaliyyət göstərən “Eskulap”, “Eksperiment, “Alov” qruplarının, eləcə də hazırda onların varislik ənənəsini davam etdirən “Şəfa” xalq çalğı alətləri ansamblının çıxışları xoş təsir bağışlayıb.

Universitet tələbələrinin ifasında muğam, xalq mahnıları, vokal və estrada musiqisi nömrələri səslənib.

... Durna qatarı kimi bir-birinin ardınca düzülən qızlar səhnədə qanad açıb süzür, dövrə vurur, halay qurur. “Çinar”ın ifasında rəngarəng rəqs nömrələri bir-birini əvəz edir: “Dəsmalı”, “Dağlar gözəli”, “Yallı”, Suita”, “Naxçıvan yallısı”...

# 2376 dəfə oxunub

Oxşar xəbərlər

Rasim Balayev Los-Ancelesdə

Rasim Balayev Los-Ancelesdə

09:30 4 aprel 2025
Elməddin Cəfərov:  "Cem Yılmaza gülə bilmirəm"

Elməddin Cəfərov: "Cem Yılmaza gülə bilmirəm"

09:20 4 aprel 2025
Mədəniyyət tribunası - Kulis 14 yaşında

Mədəniyyət tribunası - Kulis 14 yaşında

09:05 4 aprel 2025
Elməddin Cəfərov:  "Heç vaxt qadın paltarı geyinmərəm" - Müsahibə

Elməddin Cəfərov: "Heç vaxt qadın paltarı geyinmərəm" - Müsahibə

09:00 4 aprel 2025
Daha bir aktrisa rol aldığı serialdan qovuldu

Daha bir aktrisa rol aldığı serialdan qovuldu

17:15 3 aprel 2025
Sənət dünyasının sevgi əfsanəsi - Balaca qızları çəkiliş qrupuna kim götürür?

Sənət dünyasının sevgi əfsanəsi - Balaca qızları çəkiliş qrupuna kim götürür?

17:00 3 aprel 2025
#
#
# # #