Müslüm Maqomayevin məzarı ziyarət olunub

Müslüm Maqomayevin məzarı ziyarət olunub
25 oktyabr 2019
# 13:31

Oktyabrın 25-i görkəmli müğənni, bəstəkar, Azərbaycanın və SSRİ-nin xalq artisti Müslüm Maqomayevin anım günüdür.

APA-nın məlumatına görə, bu gün Azərbaycan Bəstəkarlar İttifaqının sədri, xalq artisti Firəngiz Əlizadə, Rusiyanın Azərbaycandakı Səfirliyinin nümayəndələri, tanınmış incəsənət, mədəniyyət və ictimaiyyət nümayəndələri Fəxri Xiyabanda M. Maqomayevin qəbrini ziyarət ediblər.

F. Əlizadə çıxış edərək M. Maqomayevin Azərbaycan xalqının ən görkəmli nümayəndələrindən olduğunu bildirib: "Onun babası Üzeyir Hacıbəyovla birlikdə Azərbaycan professional musiqisinin əsasını qoyan sənətkardır. Biz hər il iki dəfə, Müslüm Maqomayevin doğum və vəfatı günlərində onun məzarını ziyarət edirik. O, Bakıdan başlamış Parisə qədər bütün dünyada öz səsi ilə Azərbaycanı təmsil edib. Müslüm təkcə professional musiqidə, operada deyil, estrada musiqisində də öz sözünü deyib. O, həm müğənni, həm bəstəkar, həm rəssam idi. Son illərində isə yazıçı kimi də özünü göstərmişdi. Biz onun xatirəsini hər zaman əziz saxlayacağıq".

Rusiya səfirliyinin nümayəndəsi Sergey Stepanov isə Müslüm Maqomayevin sənətinə diqqətin ildən-ilə artdığını qeyd edib: "Mən inanıram ki, gələcək nəsillər də onu hörmətlə anacaqlar, xatirəsi daim yaşayacaq".

Müslüm Maqomayevin ilk prodüseri olmuş İldırım Kasimov çıxış edərək sənətkarın xatirəsini hörmətlə anıb.

Sonra bəstəkarın məzarı üzərinə əklil qoyulub, çiçəklər düzülüb.

# 4230 dəfə oxunub

Oxşar xəbərlər

APA TV-də yeni veriliş - “PARADOKS”

APA TV-də yeni veriliş - “PARADOKS”

22:49 17 noyabr 2026
Rusiyalı model vəfat etdi

Rusiyalı model vəfat etdi

18:43 17 noyabr 2026
Göbəklitəpənin tarixi mirasını miqrant uşaqların taleyi ilə birləşdirən film təqdim olundu

Göbəklitəpənin tarixi mirasını miqrant uşaqların taleyi ilə birləşdirən film təqdim olundu

18:02 17 noyabr 2026
Tural Turan beynəlxalq mükafata layiq görüldü

Tural Turan beynəlxalq mükafata layiq görüldü

17:32 17 noyabr 2026
Gənc aktrisa vəfat etdi

Gənc aktrisa vəfat etdi

17:14 17 noyabr 2026
Klimtin əsəri hərraca çıxarılır - 80 milyon dollara

Klimtin əsəri hərraca çıxarılır - 80 milyon dollara

16:39 17 noyabr 2026
#
#
Ana səhifə Reels Yazarlar Xəbərlər