Goranboy rayonunda ömründə belə kitaba yaxın durmayanlar həvəslə yeni yaradılmış səyyar kitabxanalara üz tuturlar.

ONA-nın Mingəçevir bürosunun məlumatına görə, Goranboy sakinlərində kitaba marağı daha da artırmaq məqsədilə bölgədə bir ilkə imza atılıb.

Rayon mərkəzinin küçə, meydan və istirahət məkanlarında səyyari kitabxanalar fəaliyyətə başlayıb. İlkin mərhələdə 4 belə səyyar kitabxana yaradılıb. İnsanların intensiv hərəkət istiqmətlərində fəaliyyət göstərən kitabxanalarda bədii, sənədli və siyasi ədəbiyyat nümunələri təqdim olunur. Kitab həvəskarları bəyəndiyi nümunələri götürərək istirahət etdiyi məkanda oxumaqla, digərləri isə ən azından varaqlamaqla asudə vaxtlarını mədəni şəkildə keçirirlər. Ən maraqlısı isə odur ki, ömründə belə kitaba maraq göstərməyən insanlar da səyyar kitabxanalara maraq göstərir, nümayiş olunan kitab guşələrinə yaxnlaşaraq ordakı ədəbiyyatlarla tanış olurlar.

Qeyd edək ki, səyyar kitabxanaların yaradılmasında maraqlı olan tərəflər bu cür kitabxanaların sayını artırmaq niyyyətindədir. Yaxın perspektivdə rayon mərkəzində, eləcə də rayonun iri yaşayış məntəqələrində əlavə bir neçə səyyar kitabxananın yaradılması nəzərdə tutulur.

• Onun əl işlərini Beyons, Ledi Qaqa kimi məşhurlar istifadə edir - Milanda yaşayan azərbaycanlı dizaynerlə müsahibə
• "Hər bir qadın inandığı məqsəd uğrunda həyatını verir..." - Janna Darkdan sitatlar
• "Ağrıdan hıçqırmaq istəməyimi..." - Firəngiz Əlizadə nəyi etiraf etmişdi?