Nəsiminin Daşkənddə kitabı çap olunub

Nəsiminin Daşkənddə kitabı çap olunub
19 mart 2019
# 16:18

Daşkənddəki Heydər Əliyev adına Azərbaycan Mədəniyyət Mərkəzinin (AMM) layihəsi ilə böyük Azərbaycan şair və mütəfəkkiri İmadəddin Nəsiminin “Cananı sevərmən” adlı kitab Daşkənddə özbək dilində çap olunub.

Azərbaycan Prezidenti İlham Əliyev tərəfindən 2019-cu ili ölkəmizdə “Nəsimi ili” elan edilməsi ilə əlaqədar Azərbaycanla yanaşı, xarici ölkələrdə də çoxsaylı tədbirlər, layihələr həyata keçirilir. “Cananı sevərmən” kitabı İmadəddin Nəsiminin 650 illik yubileyi və “Nəsimi ili”nə həsr olunub.

Kitabı orijinaldan özbək dilinə tanınmış alim və tərcüməçi Tahir Qəhhar çevirib.

Nəşrin elmi məsləhətçisi filologiya elmləri doktoru Sona Vəliyevadır. Kitabda Azərbaycan Milli Elmlər Akademiyasının M.Füzuli adına Əlyazmalar İnstitutunda saxlanılan Nəsimi irsinə dair əlyazmaların surətləri, habelə Nəsiminin rübailəri əsasında tanınmış azərbaycanlı xəttat Qulamhüseyn Darabadinin hazırladığı miniatürlərin surətləri də yer alıb.

Layihənin rəhbəri, Mədəniyyət Mərkəzinin direktoru Samir Abbasov nəşrə yazdığı “Ön söz”də şairin Azərbaycan, fars və ərəb dillərində çoxsaylı orijinal əsərlər yaratdığını bildirib, Nəsimi yaradıcılığının dilçilik, eləcə də Azərbaycan türkcəsinin tarixini öyrənmək baxımından böyük əhəmiyyətə malik olduğunu vurğulayıb. S.Abbasov Azərbaycan ədəbiyyatında həm də eşq şairi kimi tanınan Nəsiminin bu qəbildən olan şeirlərinin fəlsəfi baxımdan dünya poeziyasının inciləri siyahısına daxil edildiyini qeyd edib, şairin əsərlərinin Azərbaycanla yanaşı, Yaxın Şərq, İraq, Kiçik Asiya, eləcə də Orta Asiyada geniş şöhrət qazandığını yazıb.

Kitabın Daşkənddə və Bakıda Azərbaycan və özbək alimlərinin iştirakı ilə geniş təqdimat mərasiminin keçirilməsi, habelə Özbəkistan və Azərbaycanın aparıcı kitabxanalarına hədiyyə edilməsi planlaşdırılır. /azertag.az/

# 3127 dəfə oxunub

Oxşar xəbərlər

“Aqibətnamə” kitabının təqdimatı baş tutdu

“Aqibətnamə” kitabının təqdimatı baş tutdu

17:25 16 sentyabr 2025
Hacı Murad Yagizarov:  “Uşaqlar maşınımı əzib, özümü təhqir etdilər” - Müsahibə

Hacı Murad Yagizarov: “Uşaqlar maşınımı əzib, özümü təhqir etdilər” - Müsahibə

16:42 16 sentyabr 2025
XI Bakı Beynəlxalq Kitab Sərgisində 41 xarici təşkilat iştirak edəcək

XI Bakı Beynəlxalq Kitab Sərgisində 41 xarici təşkilat iştirak edəcək

15:40 16 sentyabr 2025
"Təcrübə dovşanı kimi gündə bir palataya keçirirlər" - Hüseyn Cavidin ölümün qoynuna atılan oğlu

"Təcrübə dovşanı kimi gündə bir palataya keçirirlər" - Hüseyn Cavidin ölümün qoynuna atılan oğlu

15:00 16 sentyabr 2025
Azərbaycan bu yarışdan imtina etdi

Azərbaycan bu yarışdan imtina etdi

14:20 16 sentyabr 2025
İƏT Mədəniyyət Festivalının tarixi dəyişib

İƏT Mədəniyyət Festivalının tarixi dəyişib

14:15 16 sentyabr 2025
Ana səhifə Yazarlar Bütün xəbərlər